
Haurreskolak partzuergo publikoaren baitan Goierrin dauden 18 haur eskoletan matrikulazio garai bete-betean daude. Maiatzaren 2an zabaldu zieten gurasoei haurrak apuntatzeko epea, eta ostiralean bukatuko da, hilaren 11n. Hamazazpi udalerritan daude gaur egun haur eskola publikoak, hemezortzi guztira —Legazpin bi daude—. Haur eskoletan izena emateko hamabostaldi ofiziala aste honen hondarrean bukatuko da, etzi. Eskabideak eta beharrezko dokumentazioa haurtzaindegietan utzi behar dute gurasoek. Ondoren, onartutakoen behin-behineko zerrendak ekainaren 15ean argitaratuko ditu partzuergoak. Helegiteen tartea igarota, behin betiko zerrendak ekainaren 25ean jakinaraziko dituzte, eta aste horretan egin beharko da matrikula formalki. Aurrematrikularen epearen ondoren jaiotako haurren kasuan, gero egin dezakete. Orokorrean %72,2ko betetze maila dute, 2011-12 ikasturteari dagozkion datuen arabera. Egoerak oso desberdinak dira, ordea, herririk herri. Baita haur eskola bakoitzaren barruan ere, adinaren arabera banatutako gelen artean batzuk beterik dauden bitartean, ondoko aretoa irekita mantentzeko lain doi-doi baitute zenbaitzuek. Ezkio-Itsasokoa eta Ormaiztegikoa dira eskainitako plaza guztiak beteta dituzten Goierriko haur eskola bakarrak. %90eko okupazio tasatik gora beste lau herritakoak daude: Ataun, Legazpi, Zaldibia eta Zegama. Kontrako erpinean, betetze maila baxuena Gabiriakoak du (%30), eta tokien erdiak baino gehiago hutsik dituzte beste bost herritan ere (Gaintza, Itsasondo, Mutiloa, Olaberria eta Segura). Etorkizun hurbilari begira kezkati dira, batez ere biztanle gutxiko herrietan. Gutxieneko haur [...]

Ordiziako Oianguren institutuko ikasle eta irakasle talde bat Galesko Llandudno herrian izan zen joan den astean, bertako Ysgol John Bright ikastetxean astebetera pasatzen. Worbiseko (Alemania) beste ikasle eta irakasle talde bat ere izan zen Galesen, Comenius proiektuaren barruko 2. zatiko Europar puzzlearen puzzle zati harrigarriak egitasmoa bukatu eta Europar aldizkari gaztea osatzearekin bat. Europako klimaren eta geografiaren ezaugarriak; Europar Batasuneko historia eta garapena, eta Europako instituzioak; eta euroaren eragina izan ziren, besteak beste, landutako gaiak. Aldizkaria osatzeko talde lana eta elkarlana bultzatu zuten, teknologia berrien erabilera sustatzearekin bat. Bidaia Loiuko aireportuan hasi zen –”urduritasun puntu batekin”– baina Manchesterrera iritsi bezain pronto “ilusioa eta baikortasuna” nagusitu zen ikasle eta irakasleen artean. Llandudnora heldu zirenerako, ingelesa zen talde guztien ahotan zegoen hizkuntza. Ysgol John Bright ikastetxean aldizkaria osatzeko bi egun pasa ondoren, hango inguruak ezagutzeko aukera izan zuten. Gales iparraldean dagoen herri hori Euskal Herriaren tankerakoa da, berde-berdea da, eta mendiak eta itsasoak bat egiten dute. Hurrengo urtean jarraipena Aurtengo ikasturteko bidaiak bukatu dira, baina oraindik ere datorren urterako “lan asko” dute egiteko, irailean hasiko baita Comenius proiektuaren bigarren urtea. 2012-2013 ikasturtean 4. DBHko eta Batxilergoko 1. mailako ikasleak izango dira protagonistak. Galesko eta Alemaniako ikasleak Ordiziara etorriko dira abenduan, eta Oiangurengoak [...]

Goierriko museon eta eskaintza turistikoaren berri zabaltzeko asmoz, «museoak kalera» aterako dituzte asteburuan. Ordizian Ertaroko Azoka egingo dutela aprobetxatuz, Goierriko Museon Azoka ere egingo dute bertan; Barrena parean, bost haima edo postu jarriko dituzte, eskualdeko baliabide turistikoen inguruko informazioa emateko. Beasaingo Igartza jauregian eman zuten atzo, astebururako antolatutako ekimenaren berri. Igor Eguren Goiturreko lehendakariak azaldu zuenez, «tokian tokiko museo eta interpretazio zentro horiek ezagutzen ditugu, baina antolakuntza aldetik, batasun bat eta osagarritasun bat dagoela erakusteko beharra ikusten zen». Hori dela eta, eskualdeko eskaintza osoa azoka bakar batean erakutsi nahi izan dute, eta horretarako, Ordizian asteburuan egingo den Ertaroko Azoka aprobetxatuko dute. Niko Osinalde Goiturreko teknikariak, azoka bere testuinguruan kokatu nahi izan zuen aurrena. Batetik, hilaren 18an Museoen Nazioarteko Eguna izango dela gogorarazi zuen, eta bestetik, bihartik igandera, Barakaldoko BECen Expo Vacaciones azoka ospatuko dela. Horrek, «Euskal Herri mailako promozioa» egiteko aukera ematen duela uste du. Goierriko Museon Azokari dagokionez, ekimen horren atzean duela zenbait urte antolatu zuten Etxetik museora ekimena dagoela esan zuen, baina aurten, beste pauso bat eman eta Museoak kalera atera nahi izan dituzte. Osinaldek azaldu zuenez, «Goierriko Turismoaren Azoka izena jarri diogu, ez baitira museoak bakarrik». Hala, eskualdeko jatetxeen, zerbitzu turistikoen eta alojamenduen gaineko informazioa ere emango dute. Larunbatean bost haima edo postu jarriko dituzte Ordiziako Nikolas Lekuona plazan, Barrena parean. Turismo baliabideen [...]

Gaintzako baserritarrek datorren asteartean, maiatzak 15, ospatuko dute San Isidro zaindariaren eguna. 20:00etan meza izango da, eta gero afaria Kale-Txiki jatetxean. Zeberio eta Mañukorta bertsolariak ariko dira kantuan, afal ondoren. Afaritara joan ...

Ertzaintzak 49 urteko gizonezko bat atxilotu zuen atzo arratsaldean Ordizian, neska lagun ohia jo eta urruntze agindua ez betetzea egotzita. Herrizaingo sailak dioenez, emakumezkoa bikote ohiaren etxera joan zen, gizonezkoak esan ziolako seme-alabak Eu...

Maiatzaren 15ean, nekazarien zaindari San Isidro egunean, afaria egingo dute Olaberrian, Arrieta jatetxean (38 euro). Izena ostirala (maiatzak 11) baino lehen eman behar da, jatetxean bertan ala udaletxean.

Azentzio jaietako oturuntzetarako txartelak salgai dira Legorretan. Maiatzaren 16an, asteazkena, herri afaria dago (15 euro); ostiralean, bazkaria (25 euro). Txartelak igandea arte erosi behar dira, Intsausti eta Olaso tabernetan, nahiz liburutegian.

Itsasondoko Urkia auzoko bizilagunek eta kanpoan bizi direnek Gurutze festen mardulena asteburuan ospatuko dute, larunbatean eta igandean. Zaindariaren eguna, Santikutz, ostegunean izan zuten, meza, hamaiketako, bazkari eta trikitilariek hornituta. Hauxe da astebururako prestatu duten egitaraua: LARUNBATA, maiatzak 5 18:00. 29. mus txapelketa herrikoia. 21:00. Lagunarteko afaria, elkartean. 23:00. Laja eta Mikel trikitilariekin erromeria. IGANDEA, maiatzak 6 10:00. Meza. 11:00. Hamaiketakoa, Epelde eta Lutxurdio trikitilariekin. 14:30. Bazkaria. 18:30. Emakumezkoen toka txapelketa. 19:00. Gizonezkoen 29. toka txapelketa. 20:00. Epelde eta Lutxurdio trikitilariak. Bestetik, festetan zehar antxume bat zotz egingo dute Urkiko jai batzordekoek. Errifa-txartelak saltzen ari dira, eta bihar-etzitan ere izango da erosteko aukera. Zozketa igandean 20:00etan egingo dute. Larunbateko afarira edota igandeko bazkarira joateko, berriz, aurretik eman behar da izena (943 88 93 67).


Trio mezzo ganbera taldeak Beasaingo Igartza jauregian joko du larunbatean, 20:00etan hasita. Musikene zentroan elkar ezagututako hiru musikarik osatzen dute taldea: Ana García biolin joleak, Pabro Menéndez gitarra joleak eta Amparo Infante biola jol...

Joan den apirilaren 25ean Ordiziako Herri Antzokian egin zen babes ofizialeko 60 etxeren zozketaren zerrenda zuzendu dituzte dagoeneko. Ordiziako Udalak jakinarazi duenez, Ordizia Lantzen kudeatzen duen Esarbe enpresak zerrenda okerrak bidali zituen hasiera batean, eta akats guztiak zuzenduta, zerrenda zuzena ikusgai dago berriz Ordiziako Udalaren webgunean. Webgunean ez ezik, Udaltzaingoan (07:00-21:00) eta herritarren arretarako bulegoan (08:00-13:30) ere kontsulta daitezke zerrendak. Edozein kontsultarako honako telefono zenbakira dei daiteke: 943 21 23 54 (Ordizia Lantzen).

Ordiziako Mendizaleak elkartekoak Araba, Nafarroa eta Gipuzkoako mendi mugetan barrena egingo dute igandeko irteera. Ilarduiatik (Araba) abiatuko dira, handik Olano, Urdalurtik pasa eta Otzaurten bukatuko dute eguneko ibilaldia. Ordiziatik 07:30ean abi...

Gaur arratsaldean, 20:00etan, emakumeenganako indarkeria salatzeko hileroko kontzentrazioa egingo dute Ordiziako Plaza Nagusian. Kimetz emakume elkarteak egin du deialdia, eta herritar guztiei egin die parte hartzeko deia, indarkeria horrekin amaitzeko...


Patxi Ezkiaga idazle eta olerkari legorretarrak otsailean argitaratu zuen Oteiza. Profetaren 14 hitz liburua herrikideen aurrean aurkeztuko du, bihar. Aurkezpen ekitaldia 19:30ean izango da, idazlearen beraren izena duen kultur etxean. Ezkiagarekin bat...

Aurtzaka dantza taldea dagoeneko hasia da festei hasiera ematen dien Mariren jaitsiera prestatzen. Aurreneko entsegua, bihar egingo dute, 20:00etan, Antzizar kiroldegian. Parte hartu nahi duten guztiei, bertara joateko deia egin diete.