2012/6

Gaur arratsaldean da Oianguko partaidetza prozesuaren azken bilera

Gaur arratsaldean, 19:00etan, egingo da Ordiziako udaletxeko batzar aretoan Oianguko partaidetza prozesuaren laugarren eta azken bilera. Behin bilera erronda hori bukatu eta gero, bileretan parte hartu dutenekin herritarren ordezkari lantaldea osatuko da eta lantalde horrek eztabaidatuko du udal teknikariekin adostutako proposamenen bideragarritasun ekonomikoa, ekologiko…. Fase honetan idatziko da Oiangurako nahi den proiektua. Azkenean, erabakia hartuta, herritarrei Oianguren etorkizunerako proiektua zein izango den esateko garaia iritsiko da. Laugarren fase honetan aurkezpen bat egingo zaio herriari erabakiaren berri emateko eta pauso guztiak azaltzeko. Prozesurako sortutako webgunean lor daiteke informazio gehiago.

Ordiziako Hitza

Berri Txarrak taldeak joko du etzi Zaldibian, gaztetxearen urteurren ospakizunetan

Oso noizean behin izaten da Goierrin Euskal Herrian eta atzerrian sona duten musika taldeak entzuteko aukera. Eta ezohikoagoa da emanaldia aste egun buruzuri batean izatea. Zaldibian halaxe antolatu dute: etzi, osteguna, 21:00etatik aurrera Antzokian, Berri Txarrak talde nafarrak joko du, zuzenean. Zaldibiako Gazte Asanbladak antolatu du kontzertua, gaztetxea sortu zutela sei urte bete direla-eta. «Ez da ohikoa ostegun batean kontzertuak antolatzea, baina taldearen eskaria jaso dugu eta baiezkoa ematea pentsatu genuen», aitortu dute gazte asanbladakoek. Berri Txarrak-ek Haria (2012) azken diskoa aurkeztuko du. Sarrerarik ez dago Zaldibiako saltokietan, agortu direlako. Webguneetan ere jarri zituzten salgai. Ostegun gaueko kontzertua The Rebel Assholes eta Burning Heads taldeek osatuko dute, Berri Txarrakekin batera. Ostiralean, bestetik, Lost Chords —zaldibiar batek jotzen du— eta Ze Esatek taldeak ariko dira antzokian, 22:30ean. Sarrerak 5 euroan daude. Aurretik, 17:30ean, harreman tailerra egingo dute gazte asanbladakoek. EGITARAUA Osteguna, ekainak 7 21:00. Kontzertua: The Rebel Assholes, Burning Heads eta Berri Txarrak. Antzokian. Sarrera: 8 euro (herriko saltokietan agortuta). Ostirala, ekainak 8 17:30. Harreman tailerra. Gaztetxean. 22:30. Kontzertua: Lost Chords, eta Ze Esatek?. Antzokian. Sarrera: 5 euro.

Aimar Maiz

Trinitate jaiak ospatu dituzte Oletan

100 lagun inguru elkartu ziren atzoko herri bazkarian Oleta mendiko erromerian

Otamotz.com Urretxu-Zumarraga

Maria Ibañez, Emakumeen I. lasterketaren irabazlea

Maria Ibañez gaintzarra izan da Ordizian aurrenekoz antolatu duten Emakumeen lasterketaren irabazlea. Denera 30 emakumek parte hartu zuten lasterketa horretan, eta batek ez beste guztiek lortu zuten lasterketa amaitzea. Ibañezek 18 minutu eta 25 segundu behar izan zituen bost kilometroko ibilbidea osatzeko. Bigarren, Lasarteko Nieves Civico sailkatu zen(18’57”) eta hirugarren herri bereko Karmen Gomez (21’53”). Ordizian Kirolean III. asteko ekimenik nabarmenena izan zen hori, baina larunbata bete-betea izan zen Ordizian. Goizean haurren moto txapelketa izan zen, Maite Franko ipuin kontalaria ere bai, eta arratsaldean, lasterketaren ondoren, gimnasia erakustaldia eta emakume kirolariei egindako omenaldia ere izan zen. Omenduen artean zeuden Ana eta Irene Usabiaga ahizpa txirrindulariak, Estanda Ordizia areto futboleko nesken taldea, eta Ordiziako atletismoko nesken taldea ere bai. Ekimenari buruzko informazio gehiago eta argazkiak hemen lor daiteke.

Ordiziako Hitza

Musika eskolako taldeek Zelai Ariztin jo dute

Aurreko ostiralean Sekundino Esnaola musika eskolako 'combo'-ek kontzertua eskaini zuten Zumarragako parkean

Otamotz.com Urretxu-Zumarraga

Etxeko balkoian baratza nola egin erakutsiko dute asteazkenean

Kutxa Ekoguneak etxeko balkoian baratza nola egin erakusteko tailer bat antolatu du asteazkenerako, hilak 6. Egizu zerorren uzta! izena eman diote tailerrari, eta Nikolas Lekuona plazan izango da goizez (10:30-14:00) eta arratsaldez (16:00-19:30). Barazkiak zaintzeko moduak, hazteko teknikak, garaiak, substratu motak eta lorontzi ezberdinak zeintzuk diren erakutsiko dute tailerrean, eta garaian garaiko produktuen kontsumoaz eta ekoizpen ekologikoaz ere ariko dira tailerrean.

Ordiziako Hitza

Mikel Mitxelenaren lanak, ekainaren 8ra arte ikusgai daude Aterpen

Mikel Mitxelena argazkilariaren lanak ikusgai daude Beasaingo Aterpe tabernan, hilaren 8ra bitartean. Margo eta itxuren sinfonia izeneko bilduman, Jaizkibelgo harkaitzen eta itsas labarren irudiak jaso ditu, erosioaren ondorioz sortutako forma bitx...

Beasaingo Hitza

Ioritz Urdangarin, Gipuzkoako txapeldun txirrindularitzan

Ioritz Urdangarin txirrindulari ataundarrak (Bidelan-Kirolgi) sorterrian bertan jantzi zuen, larunbatean, Gipuzkoako errepideko txapela, amateurretan. Agauntza kirol elkarteak antolatutako San Martin probak balio izan zuen herrialdeko titulurako. Laste...

Aimar Maiz
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa