Egun gutxiren buruan hasiko dira Kanpandegi aldean errotonda berria eraikitzen
Lazkao kanpoaldetik inguratzen duen saihesbidean hirugarren biribilgunea eraikitzeko lanak aurki hasiko dira. Eraikitzaile enpresa aukeratuta eta lanak emanda daude, eta azken tramiteak burutu ondoren, datozen egunetan hasteko moduan egongo da errotonda berria, Kanpandegi baserriaren alboan, Ataun aldera. Kanpandegiko errotonda, Iturgaitzagakoa bezala, Goraiki enpresa-batasunak eraikiko du, Iturrioz eta Iparragirre eraikitzaileek osatutako aldi baterako multzoak. Hamabi enpresak aurkeztu zituzten eskaintzak lehiaketa publikora. Lanen kostua 1.072.024,82 eurokoa da, proiektuaren arabera, gehi dagokion BEZa (225.125,21 euro). Ia 1,3 milioi euro, beraz. Gipuzkoako Foru Aldundiak finantzatuko du, 2010etik hitz emanda dauden diru laguntzen bitartez.
Lazkao kanpoaldetik inguratzen duen saihesbidean hirugarren biribilgunea eraikitzeko lanak aurki hasiko dira. Eraikitzaile enpresa aukeratuta eta lanak emanda daude, eta azken tramiteak burutu ondoren, datozen egunetan hasteko moduan egongo da errotonda berria, Kanpandegi baserriaren alboan, Ataun aldera.
Gaur egungo bidegurutzea, Lazkaoko herrigunearen hegoaldean. Gune honetan eraikiko dute errotonda. /Aimar Maiz
Kanpandegiko errotonda, Iturgaitzagakoa bezala, Goraiki enpresa-batasunak eraikiko du, Iturrioz eta Iparragirre eraikitzaileek osatutako aldi baterako multzoak. Hamabi enpresak aurkeztu zituzten eskaintzak lehiaketa publikora.
Lanen kostua 1.072.024,82 eurokoa da, proiektuaren arabera, gehi dagokion BEZa (225.125,21 euro). Ia 1,3 milioi euro, beraz. Gipuzkoako Foru Aldundiak finantzatuko du, 2010etik hitz emanda dauden diru laguntzen bitartez.
Kanpandegiko biribilgunearen proiektuko plano orokorra. Ezkerra Ataun aldea, eskuina Lazkaorantz./Lazkaoko Udala
