Gabon garaiarekin batera, Olentzerok menditik beherako bidea hasi du, datozen asteetako egin beharrak prestatzeko. Beste zenbait gauzen artean, Legazpiko Mirandaolako burdinolara joan beharko du bertako Olagizonei ikatza eramatera. Bisita hori aprobetx...
Itsasondoko XIII. Ziklo-Krosak inoizko partaidetza jendetsuena eta onena izango du. Larunbatean, abenduak 8, dira lasterketak, 09:00etatik aurrera. Espainiako I. Superprestigio lehiaketarako baliagarria da, eta estatuko ziklo-kroslarien begi-puntuan jarri du horrek Itsasondo. Asteasuko —gaur— eta Igorreko —igandean— proben tartean egoteak ere lagundu dio Euskal Herriko eta estatuko ziklo-kroslari onenak erakartzen. Antolatzaileek «350-400 partaide» espero dituzte denera, Ijitu elkarteko Gorka Telleriak atzo zioenez. Aurreinskripzio zerrendan 354 lagun zeuden izena emanda atzo eguerdian. Gaur 20:00etan itxiko dute epea. Master mailetakoak dira asko, baina Euskal Herriko nahiz estatuko ziklo-kroslari onenek ere ez dute huts egingo. Superprestigio espainiarreko bosgarren proba puntuagarria da Itsasondo, azken aurrekoa. Lehen edizioa du torneoak, eta orain arteko Espainiako Koparen ondorengoa da, «estatuko ziklo-kros egutegiaren ardatza». Lehiaketa abenduaren 29an bukatuko da, Asturiasen. Egoitz Murgoitio da lider (90 puntu), Aitor Hernandez (86) oso gertutik duela. Bi bizkaitarren arteko lehia estua izatea espero da Itsasondon ere. Bina proba irabazi dituzte orain arte Superprestigioan; Murgoitiok Ibiasen eta Muskizen, eta Hernandezek Laudion eta Elorrion. Itsasondon ere iaz Murgoitiok irabazi zuen, eta Hernandez (2010eko txapelduna) bigarren izan zen. Horiez gain, Javier Ruiz de Larrinaga, Erlantz Uriarte, Aketza Peña, Zigor Urain, Isaac Suarez edo Tino Zaballa ere partaide izango dira, batzuk aipatzearren. Eliteko gizonen karrerarako berrogei txirrindulari [...]
Goimen Goierriko landa garapen agentziak antolatuta, aurreko asteko asteazkenean herritar mordoxka elkartu zen Zaldibiako Goizane etxaldean, eskualdeko baserri-paisaien balioa ezagutzeko eta horien garrantzia agertzeko lehenengo saioan. Gipuzkoako eta Bizkaiko beste zortzi garapen elkarte ere langintza berean ari dira: paisaia ezagutu aurrena, balioa aitortu, eta zaintzeko ekinbideak hartu. Lehen bilkuran, partaideek paisaiaz duten kontzeptua aurkeztu zuten. Goierriko paisaiei buruz datu orokor batzuk aztertu zituzten. Herritarren partaidetza errazteko sortu duten fitxa aurkeztu zitzaien, baita ere. Orokortasunetik zehatzera jauzi egingo dute bigarren eta azken jardunaldian. Partaide bakoitzak Goierriko zein toki bisitatzeko asmoa duen aurreratu zuen aurreko saioan. Abenduaren 19an, asteazkena, elkartuko dira hurrena, 17:00etan, Goizanen. Bigarren saioa hausnarketa eta eztabaida egiteko baliatuko dute. «Eskualdeko paisaia esanguratsuenen inguruan hitz egin, lehenengo sektoreak paisaian izan duen papera hausnartu, eta etorkizunean aurkitzea espero dugun paisaiei buruz eztabaidatzea izango dira elkartze horren helburuetako batzuk», aurreratu du Goimenek. Ekintza plana osatzeko Herritarrek prozesuan parte hartzea garrantzitsua dela aitortu du Goimenek, «ahalik eta ikuspegi zabalena lortzeko, eta eskualdeko paisaien gainean erabakiak hartuko dituztenak bertakoak izateko». Hausnarketa hauetatik ateratako ideiekin ekintza plana osatuko du ondoren Goimenek. Lehen saiora joan ez zenak ere parte har lezake bigarrenean. Izena emateko telefonoz hots egin (686 73 81 52) edo posta elektroniko bidez (paisaia.atl@paisaia.com) [...]
Lazkaoko Ludotekak zerbitzu berezia emango du Gabonetako oporretan (abenduak 26, 27 eta 28, eta urtarrilak 2, 3 eta 4). Areria kultur gunean elkartuko dira, 10:30etik 13:00etara. HH3tik LH6ra bitartekoentzat da, gehienez 60 lagun. Izena emateko epea (1...
Mendeetako ohitura zaharrari jarraituz, San Nikolas umeen zaindariaren omenez, kantu eskean atera dira gaur goizean Seguran. Ehundik gora ume atera dira goizetik, eta etxez etxe joan dira, San Nikolas txikia buru zutela. Trukean, gozokiak bota dizkiete etxeetako balkoietatik. Laureano Telleria segurarra da bere herriko kontu zaharrak gehien ezagutzen dituenetako bat. San Nikolas egunaren inguruan dokumentazio askorik ez badago ere, «gurasoek eta aiton-amonek esandakoaren arabera, duela 300 urte» ere eskean ateratzen zirela azaldu du. Teoria hori laguntzen duen beste datu esanguratsu bat ere badago. Izan ere, «Segurako elizan bada San Nikolasi eskainitako aldare bat, 1712. urtean egindakoa. Hortik ikusten da ordurako ere bazela zerbait. Aspaldiko ohitura da». Nikolas santuaren historia Asiatik badator ere, umeen inguruan egindako lanak eta mirariek mundu osoan zabaldu zuten haren izena, eta egun, umeen patroi edo zaindari moduan hartzen da. Haren omenez, urtero ateratzen dira Seguran, Zegaman eta Legazpin kantuan. San Nikolas txikiaren koplak abesten dituzte, trukean gozokiak edo dirua jasotzeko. Garai batean, oso bestelako jakiak ematen zituzten, ordea. Telleriak azaldu duenez, «gehienetan garaiko fruituak izaten ziren, intxaurrak eta urrak, eta batzutan baita sagarrak eta mandarinak ere. Gozoki gutxi. Gaur egun berriz, gehiena gozokia botatzen dute, eta etxe batzutan diru pixka bat ere bai». Seguran, San Nikolas egunean bertan egiten dute ospakizuna. Goizetik ehunka ume [...]
Gabiriako bertsozaleari 25. urtez egingo diote omenaldia Zumarragan; Zelai Arizti aretoan izango da, etzi
Baratzea ekologikoki lantzen ikasteko bi eguneko kurtsoa antolatu du udalak. Abenduaren 14an, ostirala, arlo teorikoa jorratuko dute (18:30-20:30), ludotekan. Bestetik, hurrengo egunean, abenduak 15 larunbata, praktika herriko baratze batean egingo dut...
Lazkaoko Areria antzokian Argo emango dute. Gaur (19:30), larunbatean (19:30, 22:15) igandean (19:30) eta astelehenean (21:30) dira emanaldiak. Haurrentzat Luke eta Lucy dago, etzi (17:00) eta igandean (16:30). Ataungo Herri Antzokian Lo imposible eman...
Lazkaoko Joxemiel Barandiaran Udal Kiroldegiak bi ikastaro gehiago sartu ditu eskaintzan. Aerobika eta GAP deritzon gimnastika mota, ipurdia, sabela eta hankak lantzeko (gaztelaniazko gluteo, abdomen, piernas-en akronimoa da GAP). Aerobika astelehen, a...
Aralar parke naturaleko bi parketxeetako ordutegia aldatu egin dute, abenduaren lehenetik. Abenduan zehar igande eta jai egunetan soilik irekiko dute Lizarrustiko parketxea, 11:00etatik 14:30era. Gaur eta bihar ere (abenduak 6 eta 7) zabalduko dute. Ur...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
