
Aralar alderdiak zinegotzi postu bat lortu zuen Beasainen, 2011ko udal hauteskundeetan. Hasieran Unai Baztarrikak hartu zuen kargu hura, baina alderdia utzi ondoren, airean gelditu zen zinegotzi postu hura. Joan den urrian, ordea, Baztarrikak uko egin zion zinegotzi izateari, eta postua alderdiaren esku gelditu zen. Orain, Aralar alderdiak Garbiñe Zurutuza proposatu du toki hori betetzeko. Gaur iluntzean egingo duten udalbatzaren osoko bilkuran hartuko du kargua. Aralarren Gipuzkoako exekutibako kide da Zurutuza, eta laugarren aurkeztu zen 2011ko udal hauteskundeetako zerrendan, eta hirugarren Batzar Nagusietakoan. Gaur iluntzean (19:00) egingo duten osoko bilkuran, murrizketen kontrako neurriak eta Aralarko zinegotziaren kargu hartzeaz gain, beste zenbait gai ere landuko dituzte. Hala, CAFeko langileen aurkeztutako enpleguaren inguruko mozioa, zineko sarreren abonu tasaren aldaketa, eta Garingo erregidorearen izendapena izango dituzte aztergai.

Espainiako Gobernuak alor publikoan ezarri dituen murrizkei aurre egiteko neurriak iragarri ditu Beasaingo udal gobernuak. Raxoiren dekretuek «egin beharreko ahalegina beti bezala langileen bizkar» uzten duela diote; hori dela eta, «langileen eskubideak defendatzeko borondate politikoa» agertu du udal gobernuak. Hartuko duten aurreneko neurria, langileei abenduko soldata aurreratzea, eta udakoa urtarrilean ordaintzea izango da. Neurri horiekin, langileek dagozkien ordainsari guztiak jasoko dituztela bermatu nahi du udal gobernuak. Hala, «langileek ez dituzte murrizketen ondorioak nabarituko beren poltsikoan». Abenduko soldata aurreratu diete dagoeneko, baina aparteko sariak ere aurreratu egingo dituzte. «Datorren urtetik aurrera aparteko sariak aurreratzen joango gara; 2013ko ekainekoa urtarrilera aurreratuko dugu, abendukoa ekainera, eta berdin egingo dugu ondorengo urteetan ere». Horrekin batera, aurtengo aparteko soldata ordaintzeko debekua Madrilgo gobernuak ezarri duela gogorarazi dutem eta udal gobernua «langileen eskubideak murriztearen kontra» dagoela. «Murrizketak krisia eragin dutenei aplikatu beharrean, langileei aplikatu nahi zaizkie, beren lana betetzen duten herritarrei, eta hori erabat bidegabea da». Gainera, Espainiako Gobernuak neurri horiek hartzeko erabili duen bidea ere «onartezina» dela diote, «dekretu bidez eta inorekin kontatu gabe» hartu baitituzte. Hori guztia kontuan izanda, hartu duten neurria «udal honetan hori lortzeko aplikatu zitekeen irtenbiderik onena» dela azaldu dute. Horregatik, «argi utzi nahi dugu ez dugula onartuko egoera hau inork desitxuratzea; [...]

Andre Maria zeruratuaren parrokian bukatu dituzte ia teilatua eta pitzadurak konpontzeko lanak. Hala, asteburuan hasiko dira ohiko elizkizunak bertan egiten. Obra horien gastuak estaltzeko, ordea, diru bilketa egiten jarraitzen dute. Ekarpen ekonomikoa...