2013/3/13

‘Mariposas en el hierro’ dokumentala Labeagan

Mariposas en el hierro dokumentala eskainiko dute bihar 19:00etan Urretxuko Labeaga aretoan. Emanaldia Gipuzkoan sortu berri den Kala Beltza taldeak antolatu du, martxoaren 8aren harira antolatutako egitarauaren barruan. Dokumental hau Donostiako Zinemaldian aurkeztu zuten iaz, eta indarkeria ezberdinak jasan dituzten emakumeen testigantzak ditu oinarrian.

Otamotz.com Urretxu-Zumarraga

Elurra ari du 200 metroren azpitik

Gaur biharretan elurra egingo duela agindua zuen eguraldiaren pronostikoak, eta baita asmatu ere. Goizean 200 bat metroko altueran egin du elurra, eta maila hortik gora dauden herrietan, zuritu ere egin du. Batez ere Goierri Garaiko herrietan nabaritu da gaur elurraren eragina; Urretxu, Zumarraga eta Legazpi, esaterako, zurituta esnatu dira gaur. Usurbe aldean ere, ederki zuritu du, Arrastaka mendi taldekoek zabaldu duten bideo honetan ikus daitekeenez.

Goierriko Hitza

Nerabeekin martxan duten interbentzio programa gurasoei aurkeztuko diete bihar

Zumarragako Osasun Zentroak bultzatuta bi urte dira nerabeekin lan egiteko programa bat martxan jarri zutela. Programa horren harira osasun, hezkuntza eta herrizaingo arloetako Urretxuko eta Zumarragako hainbat eragilek osatutako lantaldea abiatu zuten. Orain artean isilean aritu dira lanean. Bihar egindakoaren berri emango dute Zumarragako Zelai Arizti aretoan, 18:30ean. Agerraldia gurasoei zuzenduta dago bereziki, baina interesa duen edonorentzat irekia da.

Otamotz.com Urretxu-Zumarraga
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa