
XI. Mustiren Omenezkoa ospatuko dute datorren larunbatean Zumarragako Argixao zelaian. Musti taldeak antolatuta, Urolako eta Realeko beteranoen arteko futbol partida izango da omenezkoaren muina. Aurten, halere, berritasun nabarmena gehitu diote: arrazakeriaren kontrako partida bat. Beteranoen arteko neurketaren aurretik jokatuko da, eta Urolako lehenengo zein bigarren taldeetako jokalariak jatorri senegaldarra duten jokalariekin neurtuko dira.

Aurreko asteburuan izandako Zumarragako VI. Pintxo lehiaketa Saski tabernak irabazi du. Epaimahaikideen arabera taberna honetan egindakoa izanda pintxorik onena zein originalena. Zelaikoa tabernak aipamen berezia jaso du. Lehiaketako sariak Santa Isabel jaien baitan emango dituzten, ekainaren 30ean, 11:30ean, Zumarragako udaletxean.

Goierriko hainbat langilek greba eguna dute, gaur. Metalgintzaren alorrean aste honetarako sindikatu batzuek egin dituzten deialdietan aurrenekoa betetzen ari dira. Bi deialdi desberdin egin dituzte. Batetik, CCOO eta LAB sindikatuek elkarrekin hiru greba-egun deitu dituzte: gaur, asteazkena eta ostirala. Bestetik, ELAk enpresa hitzarmenik ez daukaten lantegietan bost eguneko lanuztera deitu du, aste osoa. Sektoreko hitzarmenaren "blindajea" lortzeko da deialdia, antolatzaileen arabera.

Beasaingo herrigunean, tren geltokiaren parean aparkatuta zegoen auto batek su hartu zuen atzo arratsaldean. Ke beltz handia zabaldu zen berehala, eta ezbeharrak, ikusmina sortu zuen; baita kezka ere, handik gertu umeentzako jolastoki bat baitako. Hamar minuturen buruan iritsi ziren suhiltzaileak eta berehala kontrolpean izan zuten sua.


Hilabete luze borrokan pasa ondoren, gaur iritsi zaigu eguna herritarren beroa sentitu duguna. Guretzat pizgarri ederra izan da zuen beroa,...

Asko izan dira 70eko hamarkan hasita arrazoi politikoak direla medio ihes egin behar izan dutenak; gaur egun 500 bat iheslari politiko daude, horietako 100 inguru Ipar Euskal Herrian. Ezkututik atera eta hitz egitea erabaki dute. Horietako bat da Xabier Arin ataundarra. 1974. urtean ihes egin zuen Ataundik; «ihes egin beharrean gertatu ginen, oso egoera zailean, ze gogoan dut bi mila Guardia Zibilen hanka tartetik atera ginela herritik». Iparraldean zerotik hasita bizimodu berri bati ekin behar izan zion, eta garai zailak ezagutu zituen: AAA eta GALen atentatuak, kanporatzeak, konfinamenduak, espetxeratzeak… Gaur egun lasai bizi da Azkainen. Familia, etxea eta lana ditu, baina «beti dago nahi bat edo esperantza bat, egunen batez etxera itzuli ahal izatekoa».