

Duela hamalau hilabete zabaldu zuten Beasain-Durango errepideak Urretxu eta Zumarragan barrena egingo duen bidearen lehen zatia, Eitzaga eta Deskargako portuaren hasiera lotzen dituena, Argixaoko tunelaren bidez (Gi-632). Hurrengo zatia, Urretxu eta Antzuola batuko dituena, egiten ari dira orain, Deskarga parean. Krisiak bide azpiegituretan eragina izan arren, Foru Aldundiak lehentasunezko lana zela adierazi zuen. Zati horrek, Deskargako tunelaz gain, bost bidezubi hartuko ditu; lanen aurrekontu osoa 76 milioi eurokokoa.


Autismoa duten pertsonak eta beren senideak biltzen dituen Gautena elkartearen egoitza ireki dute Zumarragan. Gaur inauguratu dute. Nafarroa plazan kokatu dute Zumarragako Udalak utzitako lokal batean, eta Goierriko 60 familia ingururi zerbitzua ematen die jada.