Liburu truke azoka Ormaiztegin
Asteazken arratsaldean liburu truke azoka egin zuten Ormaiztegiko elizako arkupeetan, Liburuaren Nazioarteko Eguna zela eta. Aurreko egunetan liburuak eman zituzten herritarrek eduki zuten liburuak hartzeko aukera. 200 bat liburu utzi zituzten liburutegian eta Zumalakarregi museoan eta asteazkenean 100 bat hartu zituzten. Ekitaldi hau iaz antolatu zuten lehenengoz. Aurten jende gutxiagok parte hartu du, Pazko Astea dela eta.













