2014/5

Bizikletan ibiltzen ikasteko ikastaroa hasiko da ostegunean

BIZIbili Urola Garaian izeneko ekimena jarri dute martxan Goierri garaiako lau udalek. Ekimenaren barruan bizikletan ibiltzeko ikastaroa egingo dute etzitik hasita eta ekainaren 5era arte. Ez da, halere, bizikletan ibiltzeko teknika erakusteko ikastaro soila; eguneroko bizitzan egin beharreko joan-etorriak txirrindu gainean egitea bultzatzea da ekimenaren helburu nagusia. Ezkio-Itsaso, Legazpi, Urretxu eta Zumarragako udalek Uggasa garapen agentziarekin batera eta Godoy Bike&Ride bizikleta dendaren laguntzarekin antolatu dute ikastaroa.

Otamotz.com Urretxu-Zumarraga

Goierrikoen BTT proban 403 txirrindularik hartu dute parte gaur

Goierri kirol elkarteak gaur goizerako antolatu duen BTT proban 403 txirrindularik parte hartu dute. Bi ibilbide zituzten aukeran parte hartzaileek, motza eta luzea. Berritasunen artean, berriz, Korostiko gurutzerako igoera izan da. Antolatzaileek jakitera eman dutenez, proba polita izan da gaurkoa, eta hala baieztatu dute parte hartzaile batzuk ere: “eguraldi bikaina egin du, agian batzuentzat bero samar, baina giroa bikaina izan da”.

Otamotz.com Urretxu-Zumarraga

Veronica Domingok pintura erakusketa irekiko du ostiralean Juan de Lizarazun

Veronica Domingo Alonso margolari gazteak pintura erakusketa irekiko du ostiralean Urretxuko Juan de Lizarazu aretoan. Inaugurazioa 19:00etan izango da. Alonsok Urretxu eta Zumarragako udalen pintura lehiaketa irabazi zuen iaz. Bere lanak hilaren 25a bitartean egongo dira Urretxun. Juan de Lizarazu aretoa asteartetik igandera irekitzen dute, 17:30etik 20:30era.

Otamotz.com Urretxu-Zumarraga

Ikasleek Eskolako Agenda 21eko foroa egin dute

Urretxu eta Zumarragako LHko eta DBHko ikasleek Eskolako Agenda 21eko foroa egin dute gaur. Bertan, ikasturte honetan egindako lana aurkeztu dute eta bi herrietako alkateei euren proposamenen berri eman diete. Ahateei, usoei, eta txolarreei janaria emateak dituen ondorioak azaltzeko kanpaina bat egitea proposatu dute. Arrandegietan sortzen den hondakinak ere kezkatzen ditu.

Otamotz.com Urretxu-Zumarraga

Arcelorren zauritutako bi langileak arriskutik kanpo daude

Zumarragako Arcelor-Mittal multinazionaleko lantegian izandako istripuan zauritutako bi langileak arriskutik kanpo daudela baieztatu dute sindikatuen iturriek. Aurreko ostiralean gertatu zen istripua Zumarragako siderurgia fabrikan. Bi langileak labe bateko elektrodoak igotzen dituen pistoi bat konpontzen ari ziren istripua jazo zenean. Lanean ari zirela pistoia erori zen eta erortzean bidean aurkitu zuen guztia kolpatu zuen. Kolpearen ondorioz mahuka bat apurtu zen eta mahukak berak zauritu zituen bi langileak.

Otamotz.com Urretxu-Zumarraga

Umea izateko aukerak

Erditzearekiko begirune berezia izan dute Zumarragako Ospitalean erditze zerbitzua ireki zutenetik. Poliki aldaketak egin dituzte emakumeari, osasun baldintza berezirik ez badago behintzat, harik eta erditzeko dauden aukera gehienak eskaintzeko. 2012ko azaroan erditze gela berriak inauguratu zituzten, eta orduz geroztik aukera horiek biderkatzeaz gain, baliabideak ere gehitu egin dira.

Goierriko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa