
Goizeko 11:00etatik hasita, Senegal, Bolivia, Nikaragua, Sahara, Ekuatore Ginea, Maroko eta Pakistango kulturak ezagutzeko aukera dago Urretxuko Gernikako Arbola plazan. Kulturen Azoka egiten ari dira, aurten bigarren aldiz, eta eguraldia lagun, herrialde ezberdinetako kulturak eta euren gastronomia ezagutzeko aukera ematen ari dira. Banaiz Bagara taldeak ere postua jarridu, eta Bizikidetza eta Aniztasun Mahaia ere bertan dira, eurek egiten duten lana ezagutzera ematen.


Julen Izagirre zumarragarrak irabazi du Santa Isabel jaien egitaraua hartuko duen liburuxkaren azala aukeratzeko lehiaketa. Hirugarren aldia da Izagirre diseinatzaile grafikoak lehiaketa hau irabazten duela. Oraingoan, Antioko ermitako zutabeen kapiteletan dauden egurrezko tailak oinarri hartu ditu. Hiru lan aurkeztu ditu eta hiruetatik bitan erabili du gai bera. Guztira hemeretzi lan aurkeztu dira lehiaketara. Lan guztiak ikusgai daude gaurtik Zumarragako Zelai Arizti kultur etxeko sarreran.