Sanfilippo gaitza dutenei laguntzeko ekimena
Ordizia Futbol taldearekin batera, boluntario talde batek Sanfilippo gaitza dutenei laguntzeko ekimena jarri du martxan. Larunbat honetan ohorezko mailan ari diren Gipuzkoako hiru talderen arteko partidak jokatuko dira: Ordizia, Antzuola eta Legazpiko Ilintxa. Altamirako estadioan izango da 11:00etatik aurrera eta sarrera 5 euro kostako da, bildutako dirua gaitza ikertzera bideratuko da.













