Bi gazte identifikatu ditu Ertzaintzak Beasainen, torturaren aurkako pankarta bat jartzen ari zirela

Antzezlan bat egin dute Zubimuzu plazan, tortura kasuak eta "torturatzaileen inpunitatea salatzeko"

Torturaren Aurkako Eguna da gaur, eta Beasaien irudikapen bat eginez gogorarazi dute. Irudikapena hasi baino lehenago, ordea, bi gazte identifikatu ditu Ertzaintzak, torturaren aurkako pankarta bat jartzera zioazenean. Falta bana jarri diete eta pankarta eskuan zuenari bigarren bat jarri diote. Ikuskizuna hasitakoan, tortura kasu ezberdinak eraman dituzte jendartera, eta azken urteerako tortura kasuen inguruko informazioa banatu dute herritarren artean. Tartean, “1960 eta 2013 urteen artean 3557 tortura salaketa” egon zirela esan dute, eta orain arte 2820 kasu aztertu dituztela, “426 emakumeren kasuak eta 2394 gizonenak”. Euskal Memoria Fundazioak 1960tik 2010era hamar mila tortura inguru kontatu dituela ere adierazi dute, “ia gehienak Espainiako poliziak eta Guardia Zibilak egindakoak”. [nggallery id=137]
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa