Aste kulturala hasiko dute gaur, Mutiloan
Hainbat ekintza antolatu dituzte aste guztirako
Gaur hasi eta larunbata bitartean hainbat ekintza antolatu dituzte Mutiloan, aste kulturalaren barnean. Hona hemen egitaraua:
- Astelehena 16: Aitor Montes segurar biologoaren eskutik “Mutiloako biodibertsitatea, ibaiak eta landareak” hitzaldia. Arratsaldeko 19:00etan, udaletxeko ganbaran.
- Asteartea 17: Ostatuko Nerearen eskutik sukaldaritza ikastaroa. Arratsaldeko 19:00etan, Txerri-Gorri kultur elkartean.
- Asteazkena 18: Pake Galdosen eskutik “Garbitzeko xaboia egiteko” ikastaroa. Arratsaldeko 18:00etan, udaletxeko ganbaran.
- Osteguna 19: Pedro Arrilaga mikologoaren eskutik “Perretxikoak gure artean” ikastaroa. Arratsaldeko 19:00etan udaletxeko ganbaran. Lehenago: 18:15ean, txistu, trikiti eta panderoko ikasleen eskutik kalejira herrian zehar.
- Ostirala 20: Umeentzako pelikula arratsaldeko 17:00etan udaletxeko ganbaran. Ondoren: umeentzako talo tailerra
- Larunbata 21: Kantu afaria Jon Martin eta Oskar Estanga bertsolariekin. Iluntzeko 21:30etan Txerri-Gorri kultur elkartean.