Idiazabalgo San Blas jaietan, 16. Goitibehera lasterketa jokatu da, gaur arratsaldean. 46 partaide izan dira guztira, hiru modalitatetan bereizita: errodamentudun goitibeherak, gurpil pneumatikodunak eta arinak (trailak, bizikletak…). Gurutzetatik behera, kaleraino egin dute lasterketa, bi kilometro inguruko aldapan behera.
Ibai Zumalakarregi izan da azkarrena. 1:29,575 minutuko jaitsiera egin du, azkarrena. Bigarren Jokin Gutierrez geratu da (1:30,514), eta hirugarren Julen Markez (1:32,051). Hirurak pneumatikodun goitibeheretan irten dira.
Irabazleak 52 kilometro orduko abiadura bataz bestekoa lortu du; bigarrenak 51 km/h-koa eta hirugarrenak 50 km/h-koa.
Ibai Zumalakarregi, Idiazabalgo 16. Goitibehera lasterketaren irabazlea./Aimar Maiz
Entrenamendutarako lehenengo jaitsiera egin ondoren (ez zuen sailkapenerako balio), bi jaitsiera ofizial egin dituzte gero. Bietatik denbora onena hartu diete kontuan antolatzaileek.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez harpidedun, izan HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.