Rallysprint «polita eta zikina»
Igande honetan Gabiria-Legazpi rallysprinta egingo dute. Euskal Herriko zaleen proba kutunetako bat da, ibilbide bihurria duelako. Aurten 54 auto gidarik parte hartuko dute.
Montecarlokoa Formula 1eko proba guztien artean bereziena da. Klasikoa delako eta ibilbide bihurria duelako (hiri barruan egiten da). Goierrik ere badu bere Montecarlo: Gabiria-Legazpi rallysprinta. Hau ere klasikoa da dagoeneko eta ibilbidea bihurria da eta tranpaz betea dago. Aurtengo ekitaldia igandean izango da eta asteazkenean aurkeztu zuten, Legazpiko udaletxeko areto nagusian.
Aurten, gidariak Gabiriako Korta jatetxetik Legazpi aldera joango dira. Lehenengo autoa 15:00etan irtengo da. 54 gidarik parte hartuko dute. Autoak 09:00etatik aurrera egongo dira Legazpin, ordu horretan hasiko baitira egiaztapen lanak, Legazpiko plazan. Garajea Bikuña industrialdean egongo da. Gidariak 14:00etan irtengo dira Korta aldera.
Asteazkeneko aurkezpenean Legazpi eta Gabiriako alkateek, Koldobike Olabidek eta Iñaki Etxezarretak, Euskadiko eta Gipuzkoako federazioetako presidenteek, Angel Gurrutxagak eta Iñigo Cuestak, Korta erretegiko sukaldariak, Lontxo Ormazabalek, Lagun Artea taldeko Jorge del Cidek eta Gabiria eta Legazpiko hiru gidarik parte hartu zuten: Jon Etxeberria, Xabat Goikoetxea eta Iñigo Alustizak.
Jorge Del Cidek Gabiria etaLegazpi arteko rallysprinta zaleen proba kutunetako bat dela gogoratu zuen. Gainera, lehen mailako gidariek parte hartuko dutela esan zuen. Era berean, lau babesle nagusien laguntza eskertu zuen: Legazpi eta Gabiriako udalak, Lurauto kontzesionarioa eta Korta erretegia. Bestalde, Olaetxe garajea ere gogoratu zuen, hasieratik proba babestu duelako.
Olabide Legazpiko alkateak proba «ikuskizun hutsa» dela esan zuen eta herriko gidariei eta kopilotuei zorte ona opa zien. Aipatzekoa da Legazpin jaio eta Gabirian bizi den Iñigo Alustizak bere emaztea izango duela alboan: Leire Urbieta.
Alustizak Gabiria-Legazpi rallysprinta hemendik Galiziara bitarteko zale guztiek ezagutzen dutela esan zuen. Izan ere, «ibilbide polita eta zikina dauka». Bere kideek berarekin bat egin zuten. «Ibilbide honen moduko gutxi daude», aipatu zuen Goikoetxeak. Etxeberriak aurten inoiz baino kontu handiagoarekin ibili beharko direla esan zuen, duela gutxi obrak egin baitituzte proba egingo den errepide horretan.
Jorge Del Cidek Gabiria etaLegazpi arteko rallysprinta zaleen proba kutunetako bat dela gogoratu zuen. Gainera, lehen mailako gidariek parte hartuko dutela esan zuen. Era berean, lau babesle nagusien laguntza eskertu zuen: Legazpi eta Gabiriako udalak, Lurauto kontzesionarioa eta Korta erretegia. Bestalde, Olaetxe garajea ere gogoratu zuen, hasieratik proba babestu duelako.
Olabide Legazpiko alkateak proba «ikuskizun hutsa» dela esan zuen eta herriko gidariei eta kopilotuei zorte ona opa zien. Aipatzekoa da Legazpin jaio eta Gabirian bizi den Iñigo Alustizak bere emaztea izango duela alboan: Leire Urbieta.
Alustizak Gabiria-Legazpi rallysprinta hemendik Galiziara bitarteko zale guztiek ezagutzen dutela esan zuen. Izan ere, «ibilbide polita eta zikina dauka». Bere kideek berarekin bat egin zuten. «Ibilbide honen moduko gutxi daude», aipatu zuen Goikoetxeak. Etxeberriak aurten inoiz baino kontu handiagoarekin ibili beharko direla esan zuen, duela gutxi obrak egin baitituzte proba egingo den errepide horretan.
Aholkuak Gainontzekoek ikusleei komisarioen aginduak jarraitzeko, antolatzaileek baimendutako tokietan jartzeko eta mendian ezer ez botatzeko eskatu zieten. Etxezarretak beste eskaera bat ere egin zien. «Zale batzuek aurreko egunetan ibilbidean autoekin ibiltzeko ohitura dute. Ez dezatela hori egin». Aparkalekuen berri ere eman zuten. Ibilbidean ezin izango da aparkatu, baina Ormaiztegik Gabiriara doan errepideko eskuinaldea aparkaleku bezala erabiliko dute. Autoak norabide horretan bakarrik ibiliko dira. Proba honek Legazpin ere eragina izango du. 08:00etarako ez da autorik egon behar Bikuña industrialdeko 1etik 8ra. Bestalde, Garin enpresaren pabilioitik Motxorroko bidegurutzera karpak jarriko dira. Hori dela eta, 09:00etatik 20:00etara ezin izango da autoarekin sartu industrialdeko zati horretara.
