Bartosz Gorkczyca poloniarrak irabazi du Marimurumendi

Aleix Bautista eta Ruben Hernandez izan dira hurrengo sailkatuak, eta Juan Karlos Valdivielso beasaindarra laugarrena

2017/07/09

Goierriko Hitza

Marimurumendiren podiuma osatu duten hiru korrikalariak

Bartosz Gorkczyca poloniarrak irabazi du Marimurumendi mendi maratoia, 3:39:19ko denbora eginez. Bigarren sailkatua Aleix Bautista katalana izan da, helmugan minutu eta 24 segundo geroago sartuta . Hirugarrena Ruben Hernandez izan da, irabazletik 2 minutu eta 37 segundora. Laugarren postuan lehen goierritarra sartu da, Juan Karlos Valdivielso beasaindarra, sei minutu eta segundo batera.

Juan Karlos Valdivielso lehen goierritarrak Beasaingo helmuga alabarekin zeharkatu du

Laster helmugaratuko dira lehen emakumeak ere. Ester Casajuana doa aurretik, atzetik, besteak beste, Oihana Arratibel duela. Laida Elizegi zaldibiarra ere aurreko postuetan zen, baina erretiratu egin da Arriaranen.