Ehunmilak 2017 abentura bukatu da

Hiru goierritarrek bi bigarren postu lortu dituzte: Ehunmilak ultra trailean Jon Aizpuru eta Elena Calvillo beasaindarrek, eta MariMurumendin Oihana Arratibel ordiziarrak.

2017/07/09

Goierriko Hitza

Goierriko Hitzako Iñaki Gurrutxaga zuzendariak Ehunmilak ultra traileko lehenengo goierritarren saria eman die Jon Aizpururi eta Elena Calvillori.

Beasaingo Loinazko San Martin plaza jendez gainezka zela egin da aurtengo Ehunmilak proben sari banaketa ekitaldia. Errekorren edizioa izan da aurtengoa, korrikalari kopuruaren aldetik, lasterkariek eman duten mailaren aldetik, eta hiru probak ikustera joan diren milaka herritarren aldetik. Sari banaketa ekitaldian txapeldun guztiek, antolakuntzaren eta boluntarioen lana eskertu eta zoriondu dute. Horrekin lotuta, askok eta askok gainera, ezagutzen duten lasterketarik onena dela nabarmendu dute. Edizio honetako irabazleak ondorengoak izan dira lasterketaz lasterketa: Marimurumendi: 42 kilometro 265 korrikalari zeuden izena emanda eta 212 irten dira, horietatik 36 neskak. 198 gizonezkok eta 35 emakumezkok bukatu dute.

Emakumezkoen podiuma:

Ester Casajuana
Oihana Arratibel
Amaiur Iglesias

Gizonezkoen podiuma:

Bartosz Gorkczyca
Aleix Bautista
Ruben Hernandez

Lehen goierritarrak: Oihana Arratibel eta Juan Karlos Valdivielso.

Goierriko Bi Handiak: 88 kilometro 515 korrikalari zeuden izena emanda eta 464 irten ziren ostiralean 23:00etan; horietatik 36 neskak. 360 lagunek bukatu dute, tartean 10 neskek.

Emakumezkoen podiuma:

Aitziber Osinalde
Monica Grajera
Maddi Mujika

Gizonezkoen podiuma:

Daniel Agirre
Imanol Etxeberria
Gorka de la Horra

Lehen goierritarrak: Aitziber Osinalde eta Adur Mendizabal.

Ehunmilak: 168 kilometro 408 korrikalari zeuden izena emanda eta 384 irten ziren ostiralean 18:00etan, horietatik 17 neskak. 214 lagunek bukatu dute ultra traila, tartean 13 neskek.