Legazpiarrekin duten «harremana sendotzeko» sortu dutela dio Koldobike Olabide alkateak. Informazioa hamabi ataletan banatu dute. Dagoeneko deskargatu daiteke«Legazpiarrek poltsikoan herriari buruzko informazioa eraman ahal izan dezaten sortutako ap...
Legazpiarrekin duten «harremana sendotzeko» sortu dutela dio Koldobike Olabide alkateak. Informazioa hamabi ataletan banatu dute. Dagoeneko deskargatu daiteke
«Legazpiarrek poltsikoan herriari buruzko informazioa eraman ahal izan dezaten sortutako aplikazioa da LegazpiON», azaldu du Koldobike Olabide alkateak. Aplikazioa martxan da eta deskargatu daiteke jada hala Android nola Apple mugikorretan zein tabletetan.Ohiko aplikazio dendetara jo behar da lortzeko eta bertan doan eskuratu daiteke. Behin deskargatuta, lehenengo pantailan Legazpiko ezpata dantzaren argazki batek egiten du ongi etorria. Pantaila horretan hizkuntza hautua egin daiteke, baita erregistratu ere. «Erregistratzea garrantzitsua da, eskatzen diren datuak e-posta kontu bat eta pasahitz bat dira. Datu horiek udalaren aurrean identifikatzeko balio dute eta babestuta daude, beti ere. Finean, erabiltzaileei erantzuteko edo haiekin harremanetan jartzeko balio dute», jarraitu du alkateak.
Atalez atal
Behin aplikazioan sartuta, hamabi atal daude. Berriak atalean udalaren webgunean argitaratutako guztiak ikusi ahal dira. Agenda atalean eguneroko jarduerak zein ekitaldiak. Argazkiak eta bideoak klikatuz gero, udalak osatutako bildumetara sartzeko aukera dago. Idatzi Udalari gunean Legazpin hobetu daitezkeen gauzak iradokitzeko aukera dago eta aurki argazkiak zein bideoak bidaltzeko parada ere emango dute. Herriko elkarteen informazioa ematen duen atalean, haien webguneetara zuzenean sartu ahal da. Turismo mapan, bisitariei dagoen eskaintza eskura jarri diete eta geolokalizatu.
Zerbitzuek tokia dute aplikazioan eta udal zerbitzuetako izapideen katalogoa nahiz bilatzailea gehitu dizkiote. Parte har-tzeari dagokionean, Legazpin parte hartze prozesuak daudenean aktibatuko dela iragarri du Koldobike Olabidek. Hilberrien atala gehitu dute, baita telefono interesgarrien zerrenda ere. Garraio publikoen informazioa eskura ipini dute; Junetorri, Legazpi barruan dabilen autobus zerbitzuarena barne. Azkenik, aplikazioak jasotzen duen atalen artean, eguraldi iragarpenarena ere badago.
Udala modernizatzen
Olabidek, bidenabar, oharrak jasoko direla adierazi du, «interesgarritzat joko diren oharrak jasoko dira, hala nola, eguraldiaren gaineko alertak, kale mozketak eta halakoak».
Udaleko jarduna eta informazioa legazpiarrei gerturatzeaz gain, aplikazioak Legazpiko Udalaren «modernizazio prozesuaren» ildotik doala gehitu du.
Iruzkinen atala
