Korostiko Igoeran 24 bikote

2018/04/28

Goierriko Hitza

Legazpiko jaien atarian, Korostiko Igoera Bertikala egin dute gaur, Legazpiko Gazte Asanbladak antolatuta. Aurten 24 bikotek parte hartu dute lasterketan, guztira, 48 korrikalari, beraz. Goizeko 10:30ean abiatu dira binaka, Euskal Herria plazatik. Igoera honetan lehia baino gehiago, parte hartzea bultzatu nahi dute, eta horregatik, ez da ez sailkapenik ez irabazlerik izaten. Behin proba bukatuta, eguerdian plazan bildu dira berriz ere denak, hamaiketakoa egiteko. Segidan, gazte festei hasiera emango dien txupinazoa bota eta Kolokoiaren jaitsiera egingo dute, 13:30ean. Asteburuko egitarau osoa ikusgai dago.