Kilometroetako arropa salgai dago Interneten
Maiatzaren 10era arte, Kilometroetako online dendan egin ahal izango da erosketa eta norberak bere ikastolan jasoko du egin duen eskaera.
2021eko Kilometroak Beasaingo Andramendi, Lazkaoko San Benito eta Ordiziako Jakintza ikastolek antolatuko dute. “Ez dira jai erraldoi eta jende multzo handitarako garaiak, baina gurea den auzolan eta auto-antolakuntzarako tradizioari eutsiz, Gipuzkoako Ikastolok aurtengo Kilometroak aurrera ateratzeko konpromisoa” hartu dute.
Batera, Bagara, Bat Gara izango da leloa: “Batera, Gipuzkoako Ikastola guztien konpromisoarekin. Bagara, Ikastolok badugulako izaera propioa eta aurtengo plaza izaera horren aldarrikapena izatea nahi dugulako. Bat gara, eredu bakarra, hezkuntza eredu propioa Euskal Herriko zazpi herrialdeetan. Osotasunaren zatia direlako gure ikastolak”.
Honela, urtero bezala arropa salmentari ere ekin diote, era berezian. Maiatzaren 10era arte, Kilometroetako online dendan egin ahal izango da erosketa eta norberak bere ikastolan jasoko du egin duen eskaera.
