Tirolinarekin eta rokodromoarekin gozatu dute
Ekain kulturalaren barruan, Kalean Josteko Eguna dute gaur, eta photocall-a jarriko dute. Eskolan, adimen emozionalaz ariko dira.
Ekain kulturalaren harira, rokodromoa eta tirolina izan dute Ormaiztegiko haur eta gaztetxoek igandean, Gizarte Etxeko belardian. Bertako artista eta artisauen V. azoka ere egin dute.
Gaur, aldiz, Kalean Josteko VI. Eguna egingo dute eta photocall-a jarriko dute Muxika egurastokian, 18:30ean. Eskolan 18:00etatik 19:00etara Adimen emozionala hitzaldia izango da.
