Igartza Monumentu Multzoak uda garairako prestatu duen eskaintza berezia bihar jarriko da martxan. Asteazkenero, irailera arte, bisita gidatua eta talo tailerra eskainiko dute. Aurrez izena eman behar da, Igartzan bertan. 6,5 euro ordaindu behar dira pertsonako. 16:30ean hasiko da bisita gidatua.
Bisita gidatu gehiago ere izango dira. Tematikoak, gainera. Hauetan parte hartzeko ere izena eman behar da. 4 euro balio dute.
Bertsoak eta musika
Zapla bertsolari gazteen zirkuituak azken geldialdia Igartzan egingo du. Gonbidapenak online eskatu behar dira.
Musika kontzertuak ere izango dira. Igartza programako emanaldiez gain, Ezust Duok joko du etzidamu. Irakurle taldeak ikasturtea borobiltzeko saioa egingo du uztaileko azken asteartean.
Udako eskaintza
Talo tailerra. Bihartik aurrera, asteazkenero, 16:30ean.
Bertso trama. Etzi, 19:00etan.
Bertsolariak: U. Alkorta, H. Arana, N. Elustondo eta I. Ormazabal; Gai-jartzailea. M. Oses.
Musika. Etzidamu, 19:00etan, Ezust Duo. Gainera, Igartza Musika Programa.
Bisita gidatu tematikoak. Uztailaren 23tik abuztuaren 27ra: Emakumeen presentzia Igartzan; Bisita mitologikoa; Indus-triaren hastapenak Igartzan; Loinazko San Martin.
Irakurle Taldea. Uztailaren27an, 17:30ean, F. Garroren Isiltasun urte luzeak.
