Gari Ugarte, Oskar Gonzalez eta Aitor Zabaleta 'Txipi' legazpiarrak ere igo dira podiumera, junior, master 40 eta master 50 kategorietan. Telleriarteko Txirrindulari Elkartea oso gustura geratu da probarekin eta zaleen erantzunarekin.
Proba nagusiaren irteera; Aitor Hernandez irabazlea, eskubian, elastiko gorriarekin. Bezperako euriak zerbait biguntzea lortu bazuen ere, zirkuitu gogorrari eta lokatzik gabekoari egin behar izan diote aurre txirrindulariek gaur Urtatza-zahar inguruan jokatu den Legazpiko XI. Ziklo-Kros Sarian. Eguraldi onak lagundu du goiz osoan zehar, eta zaletu ugari hurbildu da Telleriarteko Txirrindulari Elkarteak antolatutako ziklo-kros festara. Antolatzaileak gustura geratu dira.
Lau lasterketa izan dira goizean zehar, eta guztira 175 txirrindularik parte hartu dute, zaletuei ikuskizun paregabea eskainiz. Gizonezko masterrekin hasi dira, neska eta mutil kadeteak atera dira ondoren, mutil eta neska juniorrak eta emakume nagusiak gero, eta amaitzeko, 23 urtez azpiko eta elite mailako gizonezkoen txanda izan da. Ohi bezala, lasterketa ofizialak amaitutakoan, txirrindulari gaztetxoek zirkuituaren zati bat probatzeko aukera izan dute, eta kirol honek etorkizuna baduela agerian geratu da beste behin.
Hernandez eta Trujillano garaile
Izen eta irabazle bat baino gehiago utzi ditu Legazpiko Ziklo-Kros Sari honek, baina elite mailako Aitor Hernandezena nabarmendu behar da, zortzigarren aldiz irabazi duelako lasterketa. Proba hasi eta berehala jarri da buruan, eta bigarren postuan sailkatu den Asier Arregiri 13 segundoko aldea ateraz iritsi da helmugara. Hirugarren postuan Francisco Javier Torres
sailkatu da.
Emakumezkoen proba nagusian ere izan dira nabarmentzeko izenak, Lukene Trujillanotik hasita, berak irabazi baitu lasterketa. Bigarren postuan Ormaiztegiko Lur Zufiria sailkatu da, eta hirugarrenean Elisabet Thomas.
Legazpiarrak podiumean
Gari Ugarte legazpiarrak junior mailan lortutako garaipena ere aipatu behar da, baita Master 40 mailan Oskar Gonzalezena ere. Beste legazpiar batek, Aitor Zabaleta ‘Txipi’-k bigarren egin du Master 50 mailan.
SAILKAPENAK
Gizonezkoen Opena
1. Aitor Hernandez
2. Asier Arregi
3. Francisco Javier TorresEmakumezkoen Opena
1. Lukene Trujillano
2. Lur Zufiria
3. Elisabet ThomasJunior mutilak
1. Gari Ugarte
2. Aimar Quintana
3. Oinatz FareloJunior neskak
1. Nora Martinez
2. Irati Gomez
3. Aintzane MontalbanKadeteak mutilak
1. Iker Colmenero
2. Arkaitz Suso
3. Ekain ImazKadeteak neskak
1. Mirari Gotxi
2. Iratu Aranguren
3. Laida HierroMaster 30
1. Andoni Etxebarri
2. Gaizka Otxandorena
3. Markel UriarteMaster 40
1. Oscar Gonzalez
2. Gonzalo Bober
3. Andoni JimenezMaster 50-60
1. Xabier Mendiaraz
2. Aitor Zabaleta
2. Juan Lazpita
