Ostiralerako ipuin kontaketak, jolasak eta talo jatea antolatu dituzte. Larunbatean, elkarretaratzea, hamaiketakoa eta txalaparta ikastaroa.
Euskaraldiaren aurkezpen bideoa grabatzen Olaberrian, duela bi urte./Andrea Aranburu Euskaraldiaren bukaerako eguna eta biharamuneko Euskararen Nazioarteko Eguna ospatzeko egitaraua antolatu dute Olaberrian. Ostiralean, abenduak 2, herri eskolan hasiko da giroa, 09:15ean. Ipuin kontaketak egingo dituzte, eta ondoren euskarazko leloak zabalduko dituzte herrigunean barrena. 14:15ean, bingo musikala eta amaierako dantza izango dute.
Arratsaldean, herritar gehiagorengana zabalduko dira jarduerak. Aurrena, 16:30ean, oka jolasean ibiliko dira, haurrak eta gurasoak, Jolastxokoak antolatuta. Iluntzean, 19:00etatik 21:00etara, taloak egiten ikasteko tailerra jarriko dute, Arkupe elkartean. Txartelak erosi behar dira (haurrak 2 eurokoa, helduak 5 eurokoa).
Euskararen Egunean, berriz, abenduaren 3an, larunbata, 13:30ean Olaberriko plazan elkarretaratzea egingo dute. Ondoren, mokadutxo bat jan ahalko da, Arkupe elkartean. 18:00etan, azkenik, txalaparta ikastaroa antolatu dute, udaletxe azpian.
Euskaraldiaren aurkezpen bideoa grabatzen Olaberrian, duela bi urte./Andrea Aranburu
