Julen Armaolea, San Joan txapelketatik kanpo
Datorren asteazkenean Oier Ibarluzea urretxuarrak Amianoren aurka jokatuko du
Atzo San Joan pilota txapelketako final laurdenetako bigarren jardunaldia jokatu zen Ederrena pilotalekuan. Promesa mailako partidan, Julen Armaolea zumarragarrak 5 eta 22 galdu zuen Balerdi nafarraren aurka.
Binakako txapelketako partidan, Tartaloetxe klubeko Azketak eta Elizegik 22 eta 17 irabazi zieten Elola (Tolosa) eta Lizeagari (Mundarro).
Datorren asteazkenean, 19:00etan, final laurdenetako hirugarren jardunaldia jokatuko da. Promesa mailako partidan, Oier Ibarluzea urretxuarrak Amianoren aurka jokatuko du. Binakako txapelketan, Murua eta Balerdik, Mendizabal eta Lizeagaren aurka jokatuko dute.
