Zinegotzi bat gehituta, hiru ordezkari lortu ditu EH Bilduk Olaberrian.
“Orain dela lau urteko hauteskundeekin alderatuta, 750 inguruko errolda geneukan orduan, eta orain 700 ingurukoa. Bototan mantendu egin gara, eta 50 boto inguruko jaitsiera suposatu dio OEOri. PSE-EE bakarren batzuk jaitsi da. Horixe izan da emaitzek utzi dutena, eta horrek ahalbidetu digu orain arte 5 / 2 banatuta geundenak [OEO bost zinegotzi, EH Bilduk bi], orain 4 / 3 geratzea.
50eko jaitsiera nabarmen Ihurren zegoen, 53 boto hain justu. Hor gehienek OEO nola bozkatzen duten, eta pandemiagatik jende asko hil ere egin da, parte-hartzea jaitsi egin da: orain dela lau urte %66koa izan zen, eta orain %60koa bakarrik Ihurren. Aldiz, goian %78 edo 79koa, eta horrek eragin du OEO jaistea eta guri hirugarren zinegotzia ateratzea”.
