Añube taldearen erreportajea Hamaika Telebistan
Taldeak Debagoienan du jatorria, baina bateria-jotzailea Egoitz Goikoetxea ataundarra da. Ikusi erreportajea albiste barruan.
Añube Arrasate, Bergara eta Ataungo sei lagunek osatzen duten rock musika taldea da. Euskaraz eta gazteleraz abesten dute, eta 2022an izen bereko diskoa plazaratu zuten.
2020. urtean zehar bildu ziren kideak eta Añube taldea osatu zuten. Arrasate eta Bergarako kideak ziren guztiak, eta azkena taldera biltzen Egoitz Goikoetxea bateria-jotzaile ataundarra izan zen.
Ruper Ordorikaren Zaindu maite duzun hori abestian aipatzen den añubian hitza hartu zuten izenburu: Eguzkia egun osoan sartzen ez den zuloa esan nahi du.
Hemen duzue ikusgai Hamaika Telebistako Koldo Otamendik Musika Zuzenean saiorako egindako bideo-erreportajea.
