Azaro Moreari hasiera emateko umorea helduko da gurpil gainean
Indarkeria matxistaren aurkako nazioarteko egunaren harira Seguran, hilabeteko kultur agenda antolatu dute. Gaur hasiko da Julen Axperen bakarrizketarekin.
![](https://goierri.hitza.eus/site/files/2023/11/julen-axpe-furgonologo.jpg)
Furgonetak modan daude, baina furgoneta etxean bilakatzea pentsatu ahal duzu inoiz? Julen Axpe gasteiztar bakarrizketagileak 3 urte daramatza furgoneta batean bizitzen Bartzelonan, eta bere bizipen guztiak kontatzen ditu bere bakarrizketetan.
Etxea uztearen arrazoia eta horrek dakartzan gora behera guztiak partekatuko ditu umoretik; nola dutxatu, arropa nola garbitu… Hori guztia ikusteko ahal izango da gaur, 19:30ean, Segurako Botikaxaharren.
Azaro Morearen hurrengo ekintza azaroaren 8an izango da, adin txikikoen zentroan ate irekiak egingo dituzte.