Itzulia 2025

AZKEN BI IGOERAK. Gaintza eta Lazkaomendi txirrindularien zain

Zarautz-Beasain Itzuliko hirugarren etaparen azken bi igoera pikoetan zale ugari biltzea espero da. Bideak egoki daude txirrindulariak hartzeko.

Gaintza igoeraren bigarren zatia, Dendaletxe baserritik gora. Iñaki Gurrutxaga

Bihar arratsaldean, 15:40 aldera, iritsiko da Euskal Herriko Txirrindulari Itzulia Goierrira Mandubiatik barrena. Handik Ormaiztegi aldera egingo du, gero Segurara, eta Beasain eta Ordizia zeharkatuko ditu gero.

Zaldibia aldera joko dute txirrindulariek, eta 16:22 eta 16:40 artean hasiko dira Gaintza igotzen Zaldibiako Arruegi auzoko baserri bidetik. 2,2 kilometroko igoera da, eta 266ko desnibela igoko dute tarte horretan. Batezbesteko aldapa %12,1ekoa da, eta gehienezko aldapa %20koa 100 metroko tarte batean.

Gaintzara igota, Abaltzisketa aldera egingo dute ziklistek, eta Amezketa, Alegia, Ikaztegieta, Legorreta, Itsasondo, Arama eta Ordizia igarota, atzera Zaldibiara iritsiko dira saihesbidetik. Lazkaomendiko igoerari 17:08 eta 17:31 artean ekingo diote, Beasaingo helmugarako zazpi kilometroren faltan. 1,4 kilometro aldapa da, eta 140 metroko desnibela du. Batezbesteko aldapa %10ekoa da, eta gehienezko aldapa %18koa 100 metroko tarte batean. 

Bideak eta bide bazterrak egoki daude txirrindulariak eta bi maldetan bilduko diren ehunka zale hartzeko.

Gaintzako eta Lazkaomendiko igoeren profilak.

 

HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa