'Hausturak' clown lana, asteazkenean Laubiden
Bea Larrañaga antzezleak eskainiko du, 19:00etan, Uztakale programaren barruan.
Kaleko antzerkia da Uztakale kultura eta aisia programak biharko proposatzen duen ekintza. Bea Larrañagak Hausturak antzezlana eskainiko du 19:00etan, Laubideko kale nagusian. Gazteei eta helduei zuzendutako lana da, clown generoan oinarritutakoa. Euskaraz, da eta umorea du oinarri.
Balbina da protagonista. Hausturaz beteta dago… baina jolasteko gogo handia du. Giza samurtasuna eta, aldi berean, galtzeko ezer ez duenaren askatasun basatia duen pailazo bat da, eta horrek guztiarekin jolasteko aukera ematen dio. Ikuskizun honek clown tradizionala eta hizkuntza garaikideago bat uztartzen ditu, non gorputza, pertsonak eta hiri-espazioa bere istorioaren konplize bihurtzen diren.
Keinu bakoitza, isiltasun bakoitza eta ikusleei egindako begirada bakoitza barre egiteko, hunkitzeko eta jolasteko gonbidapen bat bihurtzen da. Energia jostalariarekin eta begirada bihurriarekin, protagonistak erakusten da arrakaletatik eraldatzeko aukerak sor daitezkeela.
Hausturak bidaia dibertigarri eta poetikoa bat da, haurrak eta helduak liluratuko dituena, eta bat eginik aurrera jarraitzeko poza eta borroka goraipatzen dituena, umorez, itxaropenez eta irudimen handiz
