Mugikortasuna
Gauez autobusa egongo da Urretxuko jaietan
Legazpira, Beasainera eta Ordiziara joan-etorriak egiteko zerbitzua egongo da, ostiralean eta larunbatean.
Lurraldebusek gaueko autobus zerbitzua jarriko du Urretxuko Santa Anastasia jaietan, Zumarragako geltokitik Legazpira, eta Beasainera eta Ordiziara. Autobusak gaurko eta biharko gauetan ibiliko dira.
Legazpiko Saturnino Telleriako errotondatik orduero irtengo da 23:30 eta 05:30 artean, eta itzultzeko, Zumarragako geltokitik 00:00 eta 06:00 artean.
Beasainera eta Ordiziara joateko, 02:55ean eta 5:25ean aterako dira autobusak, Zumarragako geltokitik.
