Urretxuko San Martin eguneko festa bertan behera gelditu da, greba dela eta
Urretxuko Udalak eta San Martin auzoko bizilagunek antolatzen duten San Martin eguneko festa bertan behera gelditu da, egun horretako greba orokorra dela eta. Horra hor antolatzaileek igorri duten oharra: “Urretxuko Udalak eta San Martin bizilagun taldeak, San Martin jai egunaren antolatzailea direnak, baita jaiaren parte diren Urretxuko txistulariek, Iparragirre-Balerdi Musika Tailerrak eta UZ herri kirol taldeak ere, azaroaren 11rako greba orokorrerako deialdia dela eta honakoa adierazten dute: boluntario guztien greba egiteko eskubidea errespetatzeko eta, hori aintzat hartuta, jaiak bere osotasunean funtzionatzea ezin dela bermatu ikusirik, 2026 urteko San Martin ospakizuna bertan behera uztea erabaki dugu”.
