Nafarroako lehen sorgin ehizari buruzko hitzaldia egingo du Jesus Moyak
Bihar da, Igartzako Jauregian, 19:00etan, Lemniskataren Azaroa Zientziaroa hitzaldi zikloaren barruan.
Jesus Moya Mangas unibertsitateko irakasle erretiratu eta ikertzailea, Nafarroako lehen sorgin ehizari buruzko lana eskuetan duela.NUP Espainiako Inkisizioaren lehen Kontsulta eta Irizpenaren V. mendeurrena (Granada, 1526) betetzen denean, Jesus Moya unibertsitateko irakasle erretiratu eta ikerlari bilbotarrak Primera caza de brujas en Navarra y pronunciamiento de la Inquisición Española (1525-1526) izenburupean hitzaldia eskainiko du, bihar, Igartzako Jauregian, 19:00etan, Lemniskataren Azaroa Zientziaroa hitzaldi zikloaren barruan.
2025eko uztailean NUP Nafarroako Unibertsitate Publikoak argitaratutako Antes de Zugarramurdi. La primera caza de brujas en Navarra (1525-1526) liburuaren egilea da Moya. Logroñoko 1610eko fede-autoa –Inkisizioak 53 pertsona epaitu eta 11 heriotzara kondenatu zituen– baino zortzi hamarkada lehenago sorginkeriaren aurka Iruñetik abiatutako jazarpen zibila jasotzen du ikerketa lanak, Pedro de Balanza lizentziatu, auditore eta Nafarroako Errege Kontseiluko kideak Pirinioetako ibarretan bultzatu zuen prozesuaren berreraikuntza dokumentatuta. Gustav Henningsen (1934-2023) historialari eta antropologo daniarrak hasitako ikerketari jarraipena eman zion Moyak lanean.













