
Goierri kirol elkarteak gaur goizerako antolatu duen BTT proban 403 txirrindularik parte hartu dute. Bi ibilbide zituzten aukeran parte hartzaileek, motza eta luzea. Berritasunen artean, berriz, Korostiko gurutzerako igoera izan da. Antolatzaileek jakitera eman dutenez, proba polita izan da gaurkoa, eta hala baieztatu dute parte hartzaile batzuk ere: “eguraldi bikaina egin du, agian batzuentzat bero samar, baina giroa bikaina izan da”.

Goierri elkarteko mendi sailak Kantauri itsasoa eta Pirinioak batuko dituen zeharkaldia antolatu du datozen hilabeteetarako. Zeharkaldia zortzi etapatan egingo dute eta igandekoa bigarrena izango da. Berako herrigunean emango diote hasiera
The post Goierrik Nafarroara irteera antolatu du iganderako appeared first on Otamotz.


Beasaingo Arrastaka mendi elkarteak Frantziako Pirinioetara egingo du hurrengo irteera. Uztailaren 21 eta 22ko asteburuan joango dira, eta besteak beste, Gavarnie eta Vignemale mendiak igoko dituzte. Bideak eskaintzen dituen «ikuspegi zoragarriak» gozatzeko aukera ere izango dela azaldu dute antolatzaileek. Izena, hilaren 17an egingo duten bileran eman beharko da. Uda aurretik antolatu duten azken lasterketa izango da hilaren 21 eta 22koa. Aurreneko egunean, Lourdesera (Frantzia) iritsi eta handik abiatuko dira oinez. Gavarnie eta Ossueko urtegia pasako dituzte, eta Baysselanceko aterperaino (2.651 m.) igoko dira, gaua bertan pasatzeko. Biharamunean, Vignemale mendira (3.298) joango dira, baina bi taldetan banatuta. Bakoitzak, gailurrerako bidean, ibilbide bat egingo du. Aurreneko taldeak, aterpetxetik irten, Ossoueko glaziarra pasa eta gailurrerako bidea hartuko du. Bigarren taldearena, ordea, exigentzia handiagoa ibilbidea izango da; Petit Vignemale (3.028 m.) tontorra igoko dute aurrena, eta Vignemalera joko dute gero, bi mendien artean dagoen ertz guztia pasata. Esperientzia behar da Bigarren ibilbidea zailagoa bada ere, antolatzaileek azaldu dutenaren arabera bi bideak egiteko «goi mendietan esperientzia» izan behar da. «Ibilbidea luzea da, desnibela handia, eta izotzetan eta harkaitzetan ibili beharra dago». Horrek, bere arriskua dakarrela gogorarazi dute, eta «gaitasun fisiko egokia, eta beharrezko diren mendizaletasun eta alpinismo ezagutzak» izatea ezinbestekoa dela. Bigarren ibilbideak, gainera, «zailtasun nabarmena» duela ohartarazi dute, eta [...]

Aurten inoizko parte hartzaile kopururik handiena izango dute Ehunmiliak eta Goierriko 2 Handiak mendi lasterketek. Izan ere, 500 laguneko mugara iristea lortu dute, bi probetan parte hartuko duten korrikalariak kontuan izanda. Aurreko urteetan ez bezala, aurten gehienek G2H probaren aldeko aukera egin dute, seguruenera, 84 kilometroko ibilbideak ere nahikoa zailtasun baduelako. Proba handian berriz, 166 kilometrokoan, 197 lagunek parte hartuko dute, eta Goierriko Bi Handietan, 300 lagunek. Azken hori izan da aurten igoera nabarmena izan duena. Aurten hirugarren urtea beteko du mendi lasterketa horrek, eta antolatzaileen ustez, «proba egonkortzen» ari da. Parte hartzaile kopurua da horren adibiderik garbiena. Mikel Valdibielso antolaketa taldeko buruaren ustez, «pixkanaka ari gara parte hartzaile kopurua igotzen. Aurten 500 korrikalari inguru izango ditugu, eta guretzako kopuru polita da». Kopurua ez ezik, lasterketaren maila mantentzea eta kanpoko jendea erakartzea dira beste helburuetako batzuk. «Jendeari entzunda, oso gustura daude probarekin, eta lortu behar duguna da, hemengo jendeaz gain, atzerriko jendea ere pixka bat inguratzea». Aurten esaterako, 30 bat atzerritarrek parte hartuko dute bi probetan. Horrek, «Euskal Herritik kanpora ere iristen asmatu dugula esan nahi du» Valbielsoren ustetan. Faboritoen arteko lehia Antolatzaileek azaldu dutenez, aurten inoiz baino borroka handiagoa izango da lasterketaren aurrealdeko postuetan. «Badago talde bana, bai motzean eta bai proba luzean, gogor [...]

Zegaman igande honetan bi egun ospatuko dituzte batera: XIII. Aizkorriko Lagunen Eguna eta Aizkorri Aratz Parke Naturalaren Eguna. Hori dela eta egitarau zabala prestatu dute iganderako, eta baita larunbaterako ere: Ekainak 30, larunbata 18:00etan - V...

Arrastaka Mendi Taldeak Pirinioetan dagoen Troumouseko zirkora egingo du hurrengo asteburuko mendi irteera. Bertan, hiru mila metroko altuera duten lau mendi igoko dituzte. Bidean zehar, teknika apur bat eskatzen duten igoera eta jaitsierak, ertzak eta rappelak egingo dituzte. Larunbatean, hilak 30, abiatutako dira Huesca (Espainia) aldera. Chisagüesetik abiatu, eta La Mundiako gailurra (3.133 m.) igoko dute aurrena. Handik, Pequeña Mundia (3.096), Sierra Morena (3.090) eta Pico de Troumouse (3.085) igoko dituzte. Arrastaka taldekoek azaldu dutenez, «zailtasun pixka bat duten ertzetan ibiltzen hasteko» ibilbide egokia da. Paso del Gato aireko gunea eta Sierra Morena jaisteko gainditu beharreko 35 metroko rappela dira beste puntu zailenetako batzuk. Izena emako bilera, asteartean Asteburuko irteeran parte hartu nahi dutenek, astearte honetan egingo duten bilerara joan behar dute. Arrastakak Iturriotz kalean duen lokalean bilduko dira, 19:00etan. Informazio gehiago, 646 85 56 20 zenbakira deituta edo Arrastakaren webgunean jaso daiteke.

Aizkorriko gaina dute jomuga eta helburu. Beasaingo Aizkorri Mendizale Elkarteak dena prest du bi urtez behin egiten duten Aizkorriko Birarako. Tomas Salazarren omenez egiten duten probak VI. urtea du aurten. Beasaindik abiatuta, 52 kilometroko bidea egingo dute mendizaleek. Aizkorri mendizale elkarteko Benito Aiestaranek azaldu duenez, dagoeneko 120 lagun daude izena emanda, baina aukera igande goizera arte egongo denez, denera 200 bat lagun espero dituzte. Iganderako eguraldiaren prebisioa ez da oso ona, baina aurreko edizioetan, eguraldiak lagundu ez duenean ere, ondo osatu izan dute ibilbidea. Igandean bertan ere izango da izena emateko aukera, 15 euroren truke. Salbatore auzotik abiatuko dira, igande goizeko 6:00etan. 52 kilometroko ibilbidea da, eta 2.500 metro inguruko gorako desnibela du. Parte hartzaileei, iluntzeko zortziak arteko muga jarri diete ibilbidea osatzeko. Normalean horrelako probetan aritutako edo mendian zaildutako jendea izaten da parte hartzen duena, baina bada ezpada, «oinetako egokiak eta anoa postuetan jatekoa izango bada ere, soinean zer edo zer» eramatea komeni dela diote. Antolaketa aldetik ere lan handia eskatzen du horrelako proba batek. Aiestaranen arabera, «denera ehun bat lagun» ibiliko dira egun horretan, «anoa postuetan, trasteak eramaten, Gurutze Gorrikoak… lana izaten da». Kirol fundazioarekin elkarlana Bestalde, Aizkorri Mendizale Elkarteak eta Kirolaren Udal Fundazioak lankidetza hitzarmena sinatu dute aste honetan bertan. Hala, Aizkorriko Bira antolatzen jarraitzeko alde bakoitzaren [...]

Arrastaka mendi taldeak uztailaren 13tik 15erako antolatu du aurtengo Ehunmiliak ultratrail proba. Antolaketa lanetarako, ordea, boluntarioen beharra dute, aurreko edizioetan bezala. Hori dela eta, parte hartzeko prest dauden guztiei deia egin diete, datorren asteazkenean egingo duten bilerara ager daitezen. Arrastakak Beasaingo Iturriotz kalean duen lokalean bilduko dira, 19:00etan. Arrastaka taldeak azaldu duenez, ibilbidearen zati bat markatzea, parte hartzaileei ahal den heinean laguntzea, eta lasterkariak pasa ondoren, dena jasotzea dira egin beharreko lanak, «mendia gu joan aurretik zegoen moduan uzteko». Aipatutako lan horiek, Larraiztik hasi eta Uarraingo bidean egingo dituzte; tartean daude Txindoki, Ganbo Txiki eta Ganbo gailurrak. Antolatzaileek hasieratik izan duten helburua, «kalitatezko proba bat» izatea da. Hala, aurreko urteetan erakutsi duten maila mantendu nahi dute aurten ere, bai kirol aldetik eta bai antolakuntza aldetik. «Hori guztia aurrera eramateko, ezinbestekoa dugu zuen guztion laguntza probak irauten duen egunetan». Antolakuntzako kideekin harremanetan jarri nahi duenak, 646 85 56 20 telefono zenbakira dei dezake.

Gipuzkoako Parketxe Sarea fundazioak ibilaldi gidatua antolatu du etziko, larunbata, ekainak 9. Aralarko saroiak edo kortak ikustera joateko aukera dago, adituen azalpenak entzunez. 09:00etan Lizarrustiko parketxean edo 10:30ean Enirio-Aralar mankomuni...

Arrastaka Mendi Taldeak, asteburu pasako beste irteera bat antolatu du datorren astebururako (hilak 9 eta 10). Huesca aldera (Aragoi, Espainia) joango dira. Aurreneko egunean, Peña Rueba mendia igoko dute, eta bigarrenean, eskalada praktikak egingo dituzte. Larunbatean, Varela Portillotik abiatuta, Peña Rueba (1.176 metro) gaina igoko dute. Tontorretik, Riglosko mailoen ikuspegi ederraz gozatuko dute. Bidean, ordea, mendian ibiltzeko modu ezberdinak probatuko dituzte, hala nola bidezidorrak, ferratak, ertzak… eta eskaladarako prestatutako tokietan dauden eskailerak, kateak eta heldulekuak, besteak beste. Peña Ruebara mendebaldetik igo eta hegoaldetik jaitsiko dira, ibilbide zirkularra osatuz. Igandean berriz, La Moran eskalada praktikak egingo dituzte. Bi ekintza horietan parte hartzeko, bai buruz eta bai fisikoki sendo egon behar dela azaldu dute Arrastakakoek. Parte hartu nahi dutenek, Arrastakak Iturriotz kalean duen lokalean egingo den bilerara joan behar dute. Bilera asteartean, ekainak 5, izango da, 19:30ean. Informazio gehiago nahi duenak, Arrastaka elkartearen webgunea bisitatu dezake, edo 646 855 620 telefono zenbakira deitu. Irteeran parte hartzeko, derrigorrezkoa da federatu txartela izatea.

Arrastaka Mendi Taldeak, asteburu pasako irteera antolatu du Piriniotara, ekainaren 2 eta 3rako. Punta Escarra (2.760 metro) eta Pala de Ip (2.779 metro) tontorrak igoko dituzte. Parte hartu nahi dutenek, asteartean, 19:30ean, Arrastakak Iturriotz kalean duen lokalean egingo den bilerara joan behar dute. Informazio gehiago nahi duenak, Arrastakaren webgunea bisitatu edo 646 85 56 20 telefono zenbakira dei dezake. Irteera horretan parte hartzeko, derrigorrezkoa da federatu txartela izatea.

Aizkorri mendizale elkartea dagoeneko hasia da aurtengo Aizkorriko Bira antolatzen. Parte hartu nahi dutenek, zabalik dute izena emateko epea; www.aizkorrime.org webgunearen bidez egin daiteke, euskal mendizale elkarteko loturan sartu eta 2012ko ib...