
Ostiral iluntzea da, eta herritar gehienek lan astea bukatutzat eman dute. Azkeneko erosketak egiten edo tabernetan zerbait hartzen lasai dabil jendea Lazkaon. Lau lagunek, hala ere, oraindik badute zeregin bat: euskaraz hitz egitea. Euren borondatez, lagun artean elkartu, kafe bana eskatu, eta mihiari herdoila kentzeko prest dira. Mintzalagunak dira. Egitasmoan urte batzuk badaramatzate Anun Varak, Axun Apaolazak, Ana Isabel Iglesiasek eta Jone Valerok. Talde berria osatu dute aurten, ordea, eta ez dute denek elkar ezagutzen. Euskaraz esan dute aurreneko hitza, eta euskaraz hasi dira harremana eraikitzen. Mintzalagunen egitekoa, sinplea bezain erraza da, itxura batean: astean ordubetez nonbait elkartu euskaldun zahar bat eta hiru euskaldunberri, eta euskaraz aritu. Edozertaz, edonola, edozeinekin. Baina euskaraz. Eta emaitza ematen du. «Ni orain dela hiru urte hasi nintzen euskara ikasten, Maizpiden. Baina online egiten nuen, eta zaila iruditzen zitzaidan hitz egiteko. Irakasleak proposatu zidan Mintzalagunera etortzea, eta bi urte daramat. Egia esan, lehenengo lotsa handia ematen du, ez dakizu zer esan, eta gainera esaldi bat esatea zaila egiten zitzaidan. Baina esperientzia oso ona da», dio Ana Isabel Iglesias beasaindarrak, euskara jorian eta etenik gabe. Bi urtean aurrerapen handia egin du. Anun Vara duela «urte asko» hasi zen Maizpiden. Haurrak izandakoan utzi zuen, baina heldu dio [...]

Urretxuko eta Zumarragako Udal Euskaltegiaren Mintzalaguna egitasmoa martxan dago, eta asteko 50 lagun inguru elkartzen dira euskaraz aritzeko. Egitasmo honetan parte hartu nahi dutenak, oraindik garaiz daude. Izena emateko, 943 72 33 10 edo 628 81 10 62 telefono zenbakira deitu behar da edo marijo@uzue.net helbidera mezua bidali. Mintzalaguna egitasmoaren helburua herritarrei euskaraz hitz egiteko aukera ematea da, eta talde bakoitzean gidari bat eta bizpahiru mintzalagun elkartzen dira, astean behin, ordu beteko saioan.

http://youtu.be/pByw0tMYJHk Urretxu eta Zumarragako Mintzalagun ekimenak 10 urte beteko ditu aurten, eta urtemuga aitzakiatzat hartuta, hainbat ospakizun antolatu dituzte. Pasa den ostiralean egin zuten ikasturte bukaerako festa, eta bertan, urte hauetako ibilbidea jasotzen duen bideoa ere aurkeztu zuten.

Urretxun eta Zumarragan hirurogei bat lagunek parte hartzen dute mintzalaguna ekimenean. 2004an jarri zuten martxan. Gainzuri eskola publikoaren bultzadari batu zitzaizkion bi herrietako udal euskaltegia, udalak eta hainbat eragile. Sebas Iturriotzek eta Maite Zalduak ekin zioten egitasmoa martxan jartzeari. Marijo Etxeberria udal euskaltegiko irakaslea da, «boluntario gisa lan egiten duten gidari gabe ezinezkoa litzateke mintzalaguna aurrera ateratzea». Egiten duten lanari aitortza egingo diote gaur, 20:15ean Zumarragako Gure Txoko jubilatu etxean.

Euskaraz hizketan trebatu nahi dutenekin astean ordubetean elkartzea da egiteko bakarra. Gerrikon, ikastolan, Maizpiden edo udaletxean eman dezakete boluntarioek izena.

Ostiralean Mintzalaguna ekimenean parte hartzen dute urretxuar eta zumarragarrek afaria egin zuten Gorribide elkartean. Mintzalagunek lehiaketa batean parte hartzen dute eta afaltzen hasi aurretik lehiaketako zozketa egin zuten. Elorri taldeak

Mintzalaguna ekimenean parte hartzen duten urretxuar eta zumarragarrak mokadutxo bat jateko elkartzen dira urtero. Ikasturte honetako festa ostiralean egin zuten, Goierri elkartean. Bertan, mintzalagunen lehiaketako saria banatu zuten. Ikasturtean zehar
The post Mintzalagunen festa appeared first on Otamotz.



