EHUk hezkuntza eskaintza aurkeztuko du bihar Legazpin
Euskal Herriko Unibertsitateak hezkuntza eskaintza aurkeztuko du bihar arratsaldean Legazpin. 18:30ean hasiko dute aurkezpen saioa kultur etxeko areto nagusian eta interesa duten herritar guztiei irekita egongo da. EHUko ordezkariak bertan izango dira eta informazioa euskaraz eta gaztelaniaz emango dute. Jardunaldi hauen helburua EHUren eta etorkizuneko unibertsitate ikasleen arteko lehen harremana bideratzea da, informazio orokorra eskaintzearekin eta gogoko dituzten unibertsitate-ikasketen gainean erabakiak hartzeko unean-uneko zalantzak argitzearekin batera.
