Zaldibiako Aiestaran-Erreka auzoan festa egingo dute igandean
Auzoko zaindari Santa Barbararen ospakizuna izango dute asteburu honetan Zaldibiako Aiestaran-Erreka bailaran. Eguna berez larunbata, abenduak 4, da, eta orduan meza izango da Santa Fe parrokian, 19:00etan. Ospakizun egitaraua iganderako prestatu dute ...
Auzoko zaindari Santa Barbararen ospakizuna izango dute asteburu honetan Zaldibiako Aiestaran-Erreka bailaran. Eguna berez larunbata, abenduak 4, da, eta orduan meza izango da Santa Fe parrokian, 19:00etan.
Ospakizun egitaraua iganderako prestatu dute auzotarrek. 1993an hasi ziren auzoko festa ospatzen, bi urte lehenago Santa Barbararen irudia gordetzeko kapera eraiki ondoren. “Geroztik jaia zabaltzen joan da. Gaur egun auzotarrak eta bere garaian auzotik irtendakoak biltzeko balio izaten du festak, eta indartuz doa”, diote auzotarrek.
Igandean, abenduak 5, honako egitaraua dago Aiestaran-Erreka auzoan:
- 12:30. Elizkizuna Santa Barbara aurrean, bertsolariekin.
- 13:00. Toka txapelketa, Lazkaoetxen.
- 13:30. Auzo bazkaria (35 euro).
- 15:30. Mañukorta eta Zeberio bertsolariak.
- 16:00. Mus txapelketa eta karta jokoak.
- 17:00. Arantxa eta Jesus Telleriaren jazpana, musika saioa.
- 20:00. Bukaera.
