Gabon jarduerak Urretxuko Eguneko Zentroan
Urretxuko Santa Barbara eguneko zentroak, herriko beste hainbat talderekin elkarlanean, ekitaldi ugari antolatu ditu egunotarako. Gaur, iaz bezala, Olentzero joango da eguneko zentrora, 18:00etan. Bihar aldiz, Secundiko Esnaola musika eskolakoen emanaldia izango da 16:00etan. Azken ekintza datorren abenduaren 22an izango da. Egun honetan, Gainzuri ikastetxeko umeak gabon kantak abestera joango dira zentrora, 11:00etan. Gizarte zerbitzuetatik azaldu dutenez, “ekitaldi hauek oso gustuko dituzte eguneko zentroko erabiltzaileek, ilusioz eta pozez hartzen baitituzte honelako bisitak”.
