Bilkoin elkarteak mus eta toka txapelketak eta urteko festa egingo ditu
Legorretako Bilkoin elkarteak urteko festa ospatuko du hilaren 23an. Egun horren bueltan antolatu dituzten ekitaldiak ordea, datorren asteburuan hasiko dira. Bazkideen arteko toka txapelketako kanporaketak jokatuko dituzte larunbatean, 16:00etatik 18:0...
Legorretako Bilkoin elkarteak urteko festa ospatuko du hilaren 23an. Egun horren bueltan antolatu dituzten ekitaldiak ordea, datorren asteburuan hasiko dira. Bazkideen arteko toka txapelketako kanporaketak jokatuko dituzte larunbatean, 16:00etatik 18:00etara, eta igandean, 12:00etatik 14:00etara. Finala berriz, hilaren 22an jokatuko dute, 16:00etan. Egun berean, 23:00etan hasita, Mus Azkar Txapelketa jokatuko dute. Parte hartzeko, gutxienez bikotekideetako bat elkarteko bazkide izan behar da.
Ospakizun hauen ondoren, hilaren 23an egingo dute urteko festa. Goizeko 11:00etan bilduko dira, urteroko batzarra egiteko. 14:30ean berriz, lagunarteko bazkaria egingo dute elkartean bertan. Parte hartu nahi dutenek, euren izena eta 25 euro sartu behar dituzte gutunazal batean, eta elkarteko buzoian sartu, hilaren 16a baino lehen.
