Bertso Eskolen Eguna Legazpira
Zingizango.com • Bertso Eskolak bidalitako oharrean Gipuzkoako bertso eskolen eguna, apirilaren 10ean, Legazpira etorriko dela jakin ahal izan dugu. Bestalde, otsailaren 11ko bertso afaritarako sarrerak datorren astean jarriko dituzte salgai. Aurteng...
Bertso Eskolak bidalitako oharrean Gipuzkoako bertso eskolen eguna, apirilaren 10ean, Legazpira etorriko dela jakin ahal izan dugu. Bestalde, otsailaren 11ko bertso afaritarako sarrerak datorren astean jarriko dituzte salgai.
Aurtengoa bertso eskolen zazpigarren eguna izango da eta Legazpin izango da. Gipuzkoa guztiko ehundaka umek hartuko du parte. Egun guztian zehar izango dira ekitaldiak. Goiza herriko elkarteek osatuko dute batez ere, eta, arratsaldeko saioa lotzen ari dira. Egitaraua zehaztu bezain pronto jakinaraziko digutela esan digute berso-olariek. Iaz Eibarren izan zen eta bertako saioetako bat “Bertsoun Sistem” izan zen. Xabier Silveira eta Iñaki Viñaspre bertsolariekin eta hip hoplariekin batera, Legazpiko Alain Bravo Hip Hop dantzaria aritu zen. Hemen ikus dezakezue saio hori.
Bestalde, otsailaren 11n Amets Arzallus eta Julio Soto izango dira bertso-afaritan, Laubide tabernan. Hurrengo asteburuan jarriko dira sarrerak salgai, kaleko Ogiberrin, katillun, Kukuen eta Laubiden bertan.
