Xabier Barriola da Zumarragako Bilduko hautagaia

Bilduko hautagaiak Zelai Arizti Kultur Etxean

Zumarragako Bildu koalizioak, maiatzaren 22ko hauteskundeetarako hautagaien zerrenda aurkeztu du gaur eguerdian. Xabier Barriola izango da zerrendaburua, eta berarekin batera izan dira aurkezpenean gainontzeko hautagaietatik gehienak. Hautagaien zerrenda publiko egiteaz gainera, Zumarragarako Bilduk dituen asmoen berri ere eman dute. Hala, etorkizuneko Zumarraga ”euskalduna eta solidarioa, ingurumenarekin jasangarria eta gizonen eta emakumeen arteko benetako parekidetasunean oinarritutakoa” izatea nahi dutela esan du Barriolak. Horretaz gainera, Bilduk aurkeztuko duen herri programak hiru oinarri izango dituela ere aurreratu du: ”herritarrei informazioa ematea, herritarren partaidetza bermatzea eta erantzukizunez jokatzea”. Benetako aldaketa Zumarragan ”benetako aldaketa politiko eta soziala” ekarriko duen aukera dela Bildu esan du zerrendaburuak. Hori horrela, maiatzaren 22ko hauteskundeei begira, bi aukera daudela gogorarazi du: ”bat, orain arte bezala jarraitzea, edo bi, Bilduk eskainiko duen aukera ireki, malgu, demokratiko, sozial eta pluralak Zumarragarentzako benetako aldaketa ekartzea”. Presio mediatikoa Gaur eguerdiko prentsaurrekoa, koalizioa jasaten ari den presio mediatikoa salatzeko ere baliatu du Bilduk. ”Probokazioaren aurrean, pazientzia eta erresistentzia ahalmen handia” beharko dituztela, baina era berean ”ezkertiarra eta abertzalea den sektorearen batasuna” indartu beharra dagoela eman dute jakitera; eta bide horretan emango dituztela Zumarragan, etorkizuneko pausoak. Zerrenda: 1.- Xabier Barriola 2.- Patxi Plazaola 3.- Montse Garcia 4.- Asun Telleria 5.- Iker Mendizabal 6.- Amaia Torner 7.- Jose Angel Toledo 8.- Puy Elgarresta 9.- Ohiane Arriaran 10.- Josetxo Goenaga 11.- Ignacio Arrieta 12.- Maria Pilar Azcona 13.- Jose Joaquin Antoñana 14.- Javier Toquero 15.- Amaia Galvez 16.- Ikerne Badiola 17.- Jose Agustin Elorza
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa