
Eskualdean ideia berritzaileak dituzten pertsonak biltzea da sarearen helburu nagusia, eta ideia horiek, enpresa berritzaile errealak sortzeko baliabideak eskaintzea.


Ligako bigarren partida jokatuko du Ampo Ordiziak asteburuan. Kataluniara joango dira, Santboiana taldearen zelaira. Azken partidako akatsetatik ikasi eta apaltasunez baina irabazteko gogoz joango dira ordiziarrak. Talde sendoa da eta badakite neurketa...

Hilaren 30ean bukatuko da Irriki futbol eskolan izena emateko epea. Matrikula egin nahi dutenek Joxi Azurmendirekin (639 65 79 39) hitz egin beharko dute. Entrenamenduak urriaren 3an hasiko dira Segurako Alustiza zelaian, 18:00etan. Jokin Dorronsoro, R...

Ordiziako Mendizaleek Aralarko Salingain mendira (1.322 metro) egingo dute irteera datorren igandean. Elkarteko kide izan den Mikel Begiristain mendizale lazkaotarrari tontorrean omenaldi xume bat egiteko baliatuko dute irteera. Elkartetik 07:30ean abi...

Goierriko atletismo proba jendetsuena eta herrikoiena igandean jokatuko da, Josetxo Imazen Omenezko 11. Krosa. Lazkaon hasiko eta bukatuko da aurten, bertako Antzar Korrikalariak taldearen hamargarren urteurrenean ohore keinua eginez. Ordiziako Txindoki Atletismo Taldeak antolatuta, ohi bezala 10 kilometroko ibilbidea izango da, hala ere. Parte-hartzaileek gehienezko muga 1.200 kidetan jarri dute. Milatik gora lasterkari espero dituzte, Afrikako jatorrikoak tartean. Igandean 11:00etan hasiko da lasterketa, Lazkaoko plaza parean. Txip elektronikoak 09:00etatik 10:00etara banatuko dituzte. Haurren proba 10:00etan hasiko da, Lazkaon bertan. Hirigoien eta gerontologikoko kalea erabiliko dituzte, 600, 800, 1.000 eta 1.200 metroko lasterketak egiteko. Goierri beheko hiru herri hazienetan barrena antolatu dute ibilbidea. «Hiru udaletxeen albotik pasatu nahi izaten dugu, eta aurten lortu da, obrarik edo kale mozketarik ez dagoelako», dio Txindokiko Angel Perezek. Lazkaok bigarren aldiz hartuko du Josetxo Imazen Omenezkoa. 2006an ere han hasi eta bukatu zen, Altamira estadioan lanak burutzen ari zirelako. «Lazkao leku aproposa da, zerbitzu guztiak bilduta daudelako: helmuga, plaza, kiroldegia…», dio Perezek. Korrikalariek Joxemiel Barandiaran Kiroldegiko aldagelak eta dutxak erabili ahalko dituzte. Aurreneko 15na gizon eta emakume sailkatuek jasoko dute saria. Denbora markak ontzen dituztenei 300na euroko sari gehigarria ere emango diete. 29:21 eta 33:44 dira errekorrak. Jesus España atleta Lazkaon Lazkaoko Antzar Korrikalariak taldeak [...]

Laugarren aldiz garagardo azoka egingo dute Legorretan, bihar, Aldapa Haundi elkarteak antolatuta. 18:00etatik aurrera jarriko dituzte edariak eta jakiak, Harripila kiroldegian. Pitxarkada garagardo 3,50 euroan salduko dute. Txerri ukondoa eta saltxitx...

Lazkaoko Areria gunean urriaren lehen asteburuan ekingo zaio ohiko zinema denboraldiari. Zapatu, igande eta astelehenetan dira saioak.

Larunbat goizean Erreka Eguna ospatuko dute Legazpin. 11:00etan Euskal Herria plazan elkartuko dira parte hartzaileak, eta talde txikietan banatuta, Legazpiko errekak garbitzeari ekingo diote, 13:00ak bitartean. Ordu horretan plazan bilduko dira berrir...

Beasaingo Arana-Bideluze eta Lazkaibar auzoetan, festak ospatuko dituzte asteburuan. Bideluzen bihar hasiko dira festak, eta igandera arte luzatuko dira. Lazkaibarren, berriz, larunbatean eta igandean ospatuko dituzte jaiak. Buruhandi eta txistularien irteerak emango die hasiera bihar, 18:00etan, Arana-Bideluzeko festei. Ondoren txokolate beroa eta gailetak banatuko dizkiete auzoko haurrei, eta 20:00etan, disko festa hasiko da Bideluze plazan. Larunbatean baxoerdi-edate herrikoia egingo dute, eta eguerdian, Arana kalean elkartuko dira bizilagunak, bazkari herrikoia egiteko. Iluntzean, 20:00ak inguruan, karaokea hasiko da, eta gauerdian kontzertua egingo du Los Olvidados taldeak Bideluze plazan. Igande eguerdian erretiratuentzako toka txapelketa egingo dute Zaldizurreta plazan, eta ondoren baxoerdi-edate herrikoia. Bideluze plazan, haurrentzako herri kirol saioa antolatu dute eguerdirako, eta arratsaldean Kortxea doktorearen abenturak ikuskizuna ikusi ahal izango dute, 18:30etik aurrera. Trafikoa moztuko dute Udaletik jakinarazi dutenez, bihartik igandera bitartean, Arana kalea eta Bideluze plaza ibilgailuentzako itxita egongo da, eta bihar goizeko 09:00etatik aurrera Arana kalean aparkatzea debekatuta egongo da. Eskarneko jaiak Lazkaibarren Lazkaibar auzoan Eskarneko Andre Mariaren jaiak ospatuko dituzte asteburuan. Arangoiti egoitzara bisita eginez hasiko dituzte festak etzi arratsaldean. Egoitzan dauden auzotarrekin elkartu eta arratsaldea beraiekin igaroko dute. Poteo herrikoia egingo dute handik bueltan, 20:00ak inguruan hasita, eta ondoren, afari-merienda Ezkiaga auzoko Beti-Bizi elkartean. Zaindariaren eguna bihar izango bada [...]


Udako oporren ondoren, bihar irekiko dute atzera Itsasondoko Gaztelekua. Aurrerantzean astero ostiraletan erabili ahalko dute 11 urtetik 17ra bitarteko haurrek eta gazteek, 17:00-20:00 tartean. Kurtsoko lehen ekimena ere prestatu dute. Udako argazkien ...

Lanak aurreikusitako martxan badoaz, jaietan estrainatuko dute eraikin berria; pilotalekua inguratuko duten paretak hilaren amaierarako amaituta izango dira.

Garai hau aproposa da urteko tomate, piper eta gainerako barazki soberakinen kontserbak egiteko. Begi bistakoa da gizartearen egungo eguneroko martxa ikusita, ez dela garai batean bezain beste denbora sukaldean pasatzen, are gutxiago kontserbak egiteko lanetan. Hala ere, bada oraindik lan horiei gustoz heldu eta egindako erreserba urtean zehar biziki preziatzen duenik, bereziki egindako tomateena eta piperrena. Etxeko lana errazte aldera, eta bezeroak erakartzeko, Jose Luis Amatrian Segurarrak, bere asteroko postuan, piparrak erretzeari ekin zion atzo, eta baita asmatu ere. Horretarako propio den danbolin moduko tresnan erretzen zituen; «hauek Mendabiako piperrak dira, pikillo, piko eta najerano motakoak, aldiro hiru kilo erretzen ditut eta 5 minutu nahikoa». Jendeak barra-barra erosten zuen, baita hurrengo asterako enkargatu ere. Freskoan pisatutako piper kilo errea, 1,65 euroan saltzen zuen. Jose Luisek gurasoen lanbidearen erreleboa hartu du. Oraindik aita Benantzio lagun izaten du baina dagoeneko bera da azokaz azoka ibiltzeaz gain, Ordiziako fruta dendaren arduradun. Sarri esan izan dugun moduan urtaroen iragana oroitarazteko aproposa gertatzen da baratzegintza. Adibidetzat, atzo, udazkenean sartu orduko, udaberrian jateko prest egongo diren udaberriko tipulen landareak salgai ziren, 3 euroan ehuneko sorta. Baita Treviso motako urazak ere. Sagar eta udare nahasketa ‘Nahasi’ izena ez omen da euskalduna, baina hala hautatu izan balute ezin [...]

Coel anaien ''True Grit'' filmak estrainatuko du XX. zikloa, guztira 7 film luzez osatuko dena; ziklo osorako bonoak salgai jarriko dituzte...

Ehiza denboraldiaren atarian egonik, urtero bezala Seguran egin zuten ehiza postuen enkantea. Aurten Apota 9 postuarengatik jarri dute diru gehien: 8.610 euro, hain zuzen. Apota 9 oso preziatua da ehiztarien artean, eta urte askotan izan da posturik garestiena, esaterako 2007. urtean. Orduan 15.200 euro ordaindu zituzten berarengatik, aurten baino 6.590 euro gehiago. Aurten bigarren ordainduena Agiñaran 1 postua izan da. Berarengatik 7.530 euro ordaindu dituzte. Zerrendan hirugarrena, Apota 11 izan da. 7.111,11 euro ordaindu dute ehiztariek bertan ehizatzeko eskubidea lortu asmoz. Posturik merkeena Letain 3 izan da. Ehiztariek 151 euro jarri dituzte berarengatik. Bestalde, erosi gabe geratu diren postuak ere badira. Guztira 62 postu enkantean Aurten 62 postu atera dituzte enkantera, beste urte batzuetan baino gehiago. 2008an esaterako 49 ehiza postu erosteko aukera izan zen. Aurtengoak 14 eremutan daude banatuta: Agiñaran, Alkain, Apota, Aratz, Garagartza, Iturgain, Larrebil, Leotaran, Letain, Lixibaleku, Peazulueta, Portugaña, Txabolatxo eta Ultzama. Ehiza postu gehien dutenen artean daude Larrebil (9), Apota (8), Letain (8), Ultzama (7), Aratz (5 ) eta Leotaran (5) inguruak.

Beasaingo Udalak, «herritarren ekarpen, kezka eta iritziak jasoz gobernatzeko asmoa» azaldu du berriz ere, «herritar ororekin parte hartzerako bideak zabalduz». Hala, udala osatzeko sortu dituzten hamaika batzordeak berriz martxan jarriko dituztela iragarri dute. Hirigintza; Ogasuna eta Ondarea; Udal Antolakuntza; Euskera eta Kultura; Turismoa eta merkataritza; Ongizatea; Zerbitzu, Landa eta Ingurumena; Partaidetza, Berdintasuna, Immigrazioa eta Hezkuntza; Gazteria eta Kultura; Igartzako batzorde berezia; eta Arana kaleko batzorde berezia dira udalak osatu dituen batzordeak, eta hauetako edozeinetan parte hartu dezakete herritarrek. Batzordeetan parte hartu nahi duenak, irailaren 30era arte du izena emateko epea. Izena udaletxeko harrera bulegoan eman behar da, bertara joanda, telefonoz edo mezua bidalita (harrera@beasain.net). Koldo Agirre alkateak azaldu duenez, batzordeen maiztasuna hilean behinekoa izango da, «beti ere batzorde bakoitzaren beharrean arabera». Batzorde irekiak izatearen helburua, «mahai gainean jartzen diren egoera, gai eta arazoak aztertu eta horiei irtenbide egokiena ematea» dela zehaztu du Agirrek. Parte hartze guneak Beasain herritar guztien artean eraitzeko, «udala herrira gerturatzea eta herritarrak udalera gerturatzea ezinbestekoa» dela azaldu du Zezilia Herrador zinegotziak. Horretarako parte hartzea bultzatu nahi dute, «egin beharrekoak proposatu, eztabaidatu eta erabakitzeko». Hala, batzordeak, «parte hartzea posible egin dezaketen guneak» izango direla gehitu du Herradorrek. Dagoeneko hainbat herritarrek hasitako bideari heldu nahi diote, «dagoeneko lanean [...]
