
Ataun Bitor-Avia taldeko kadete mailako Iñigo Zabala pilotariak Gipuzkoako Txapelketako lau eta erdiko neurketa jokatuko du, gaur, 20:00etan, Auzoetan. Debako Euskal Jolas taldekoaren aurka ariko da.

Beasaingo Gaztetxeak zazpi urte bete ditu aurten, eta urteurrena ospatzeko ekintzen artean, gaztetxeari itxura berria ematea erabaki dute. Urtero antolatzen duten ekintza da, eta aurten, eskualdeko zein eskualdez kanpoko artistek parte hartuko dute. Be...

Orain bost urte hasitako bideari segida eman diote aurten ere Hitzaro Euskara Elkartekoek. Ordura arte Kultur hamabostaldia zena musika arlora bideratzea erabaki zuten garaiko arduradunek, eta ibilian-ibilian, Ordiziako musika eskaintzan bere lekua aurkitu duen ekimenean bihurtu da Ordizia Kantuz. Aurten, formatu txikiko hiru kontzertu izango dira hiru ostiraletan jarraian; eta laugarrenean, euskaltzale eta mintzalagunak biltzeko kantu afaria egingo dute Kuxkuxtu txaranga gidari dutela. Hiru kontzertuak D’elikatuzen izango dira, eta kantu afaria Plaza Nagusian. Ekimenari hasiera emango dion taldea Lauroba da. 2004. urtean Iker eta Haritz Lauroba anaiek pop-rock estiloan oinarritutako proiektu berria jarri zuten martxan. Hortik bi urtera Donostia Rock lehiaketa irabazi zuten, eta lehen sari hori baliatuz, lau abestiz osatutako disko laburra grabatu zuten. 2008an kaleratu zuten lehen lan luzea, eta iragan martxoan bigarrena, Egunarekin izenekoa. Disko horretan dator Muxu batekin abestia, Gaztea irratiak azken 20 urtetako 20 maitasun abesti onenen artean aukeratua izan zena. Hasiera batean laukote modura aritu baziren ere, gaur egun bost lagunek osatzen dute Lauroba taldea. Hatz, tresnekin jolasean Gaur zortzi, berriz, Iñaki Plazak eta Jon Garmendiak osatutako 20 Hatz taldeak girotuko du D’elikatuzeko areto nagusia. Bi gazteek betidanik amestu dute musika tresnen inguruan proiektu zabal bat garatzearekin, eta elkarlanean lortu dute gauzatzea. Bi saio [...]

Urriaren 2an Goierri Garaiaren XV. Herri Lasterketa egingo dute Urretxun, Zumarragan eta Legazpin. 11:00etan hasiko da Urretxuko eta Zumarragako Areizaga-Kalebarren plazatik eta helmuga ere leku berean jarriko dute. Osotara 8,5 kilometroko iblibide...

Urteroko ohiturari jarraituz, larunbatean, goizeko bederatzietan Mutiloako autobus geltokitik irten eta egunpasa egiteko asmoa dute mutiloarrek. Goiz partean Oiartzungo Arditurri meatzuloak ikusiko dituzte. Oiartzunen bertan bazkalduko dute, eta guzt...



zingizango.com• Goierri Garaiko udaletako euskara zerbitzuek eta ZingiZango eta Zintzo Mintzo euskara elkarteek bideo-esketxen lehiaketa antolatu dute. Bi minutu iraun beharko ditu gehienez eta gaia “Tabernariei euskaraz” izango da. Esketx eredu bat eta oinarriak bidali dizkigute. Hona hemen: Edonork egiteko moduko lanak izan daitezke, mugikorrarekin ere egin daiteke. Adibidea goiko bideoa da. Lehiaketaren oinarriak: Gaia: tabernariei euskaraz Iraupena: gehienez 2 minutukoa Xedea: Tabernariengan eta bezeroengan euskara erabiltzeko premia handiagoa senti dezaten eragitea. Baldintzak: Bideo egileek Urola Garaikoak izan behar dute, Legazpi, Urretxu, Zumarraga edo Ezkio-Itsasokoak. Gutxienez 16 urte izan behar dituzte eta nahi adina lan aurkeztu ditzakete. Lanen ezaugarriak: Bideoek askatasun osoa dute bai muntaiari, bai adierazpen artistiko eta sormenekoei dagokienez. Epaimahaiaren ustez duintasunaren edo begirunearen aurka doazen bideoak zuzenean kanporatuko dira. Lanen aurkezpena: Bideoen grabaketa eta muntaia parte hartzaileek egin behar dute. Telefonoak, bideo kamerak… erabil daitezke. -Bi modu daude lanak aurkezteko. Euskarri digitalean Urretxuko, Zumarragako edo Legapziko euskara zerbitzuetara eramatea edo tabernariei.euskaraz@gmail.com helbidera bidaltzea. -Egileek bideoan agertzen diren pertsonen baimena beharko dute. Lanak aurkezteko epea: Urriak 30 Epaia: 1.- Ikus-entzunezkoetan adituak diren pertsonez osaturiko taldeak aukeratutakoa. 2.- herritarrek azaroaren 14tik 27ra bitartean bozka emanez aukeratutakoa. Sariak: -Ikus entzunekoetan adtua den epaimahaiak aukeratutakoak 300 euro jasoko ditu -Herritarrek aukeratutakoak [...]

Zegamako Bilduk gogor salatu du San Bartolome jaietan «gazte batzuk zenbait senegaldar erasotu izana», eta ez duela «arrazakeriarik» onartzen aipatu du. Zegamako Bilduren hitzetan San Bartolome jaiek «ez zuten bukaera onik izan jatorri senegaldarreko gazteentzat». Senegaldar horiek Zegama eta inguruan ezagunak izan arren, «eskualdeko zenbait gaztek ez dituztela beraien ondoan onartzen, eta haiek erasotzera ausartzen» direla kritikatu du Bilduk . Abuztuaren 27an, larunbat gauean gertatu zen Zegamako Bilduk «tamalgarritzat» jo duen gertakaria. Bilduk azaldutakoaren arabera, Lazkao eta Azpeitiko gazte batzuk «gogor» eraso zieten jatorri senegaldarreko mutilei. «Gau osoa zirikatzen, sesio bila eta haien postua txikitzen pasatu ondoren, goizeko seirak inguruan gertatu zen ezbeharrik handiena». Bilduko kideek azaldu dutenez, udaletxe aurrean zeuden barandetako bat hartu eta postuaren barruan zeuden senegaldarrei bota zieten, berriro postua hautsiz. «Postuaren euskarri moduan erabiltzen dituzten metalezko barra gogorrak hartu eta haiekin ere jo zituzten». Horrela, senegaldar jatorriko gazte bat ospitalera eraman behar izan zuten, zaurituta. «Ikuskizun tamalgarria eta lotsagarria izan zen zegamarrontzat», dio Bilduk, eta gaineratu du «beltzak izateagatik» jipoitu eta iraindu zituztela. Salaketa eta babesa Gertatutakoaren aurrean, Bildukoek diote Zegamako herritar moduan ez dutela horrelako edo antzeko jarrerarik onartuko beraien herrian, ez beste inon. «Ez dugu arrazakeriarik onartzen! Ez ditugu larunbat gauean jarrera arrazista hura [...]

Legazpiko Mintzalagunak Mintzalaguna egitasmoaren barruan, euskaraz hitz egiteko lagun taldeak berriro ere lanean hasiko dira Goierri Garaian. Urretxuko, Zumarragako eta Legazpiko euskaltegiek sustatu ohi dute Mintzalaguna ekimena. Euskaraz hitz egi...

Zingizangok Lakiolan antolatu zuen erromeriko zozketaren irabazlea Sebastian Santesteban da. 1240 zenbakiarekin Gabiriako Korta jatetxean marisko-jana irabazi du.


Mugikortasun iraunkorraren astea ari dira garatzen Lazkaon. Astelehenean hasi zen, eta etzi bukatuko da, ostiralarekin. Autorik gabeko nazioarteko egunaren harira —bihar da—, naturalki eta ekologikoki batetik bestera ibiltzeko moduak, ereduak eta i...

Hamasei urtetik gorako zaldibiarrentzat zuzenduta hiru ikastaroren eskaintza jarri du Zaldibiako Udalak. Soinketa herenegun hasi zen, aerobic eta hirugarren adinekoen mantentze gimnastika egiteko. Makillajea eta azalaren oinarrizko zaintza da beste auk...

EAJ Eusko Alderdi Jeltzaleak igande honetan ospatuko du urteroko Alderdi Eguna, Forondan (Araba). Lazkaoko alderdikideek autobusa antolatu dute. Igandean 08:45ean irtengo da, Itzala taberna paretik. Izena emateko telefonoz deitu behar da (688 677 390).

Gaintzan, San Migel jaien barruan, urriaren 1ean sagardo dastaketa eta afaria egingo dute, larunbatean 20:30etik aurrera, Armendariz pilotalekuan. Entsalada, oilaskoa eta azkenburukoak jarriko dituzte afaritarako, 13 euroan (14 urte arteko haurrena 6 e...