Barroko Aire zikloa bukatu bazen ere, musika mota horren inguruan beste saio bat antolatu dute larunbaterako. Gipuzkoako Foru Aldundiak antolatzen duen organo zikloaren barruan egingo dute, eta Santiago Banda organo jotzaile zumaiarra izango da gonbi...
Arrastaka Mendi Taldeak irteera antolatu du Somportera, eskiatzera joateko. Ekainaren 17an eta 18an izango da irteera, eta bertan parte hartzeko datorren asteartean egingo duten bilerara joatea beharrezkoa izango da. Bilera Ehunmiliak-Arrastakaren bule...
Gutxitan bezalako zizak ekarri zituen atzo Ataungo Aierbek plazara. Bi kilo eta 200 gramo guztira, eta neurri ederrekoak: «Toki honek beti garaiz ematen du, baina aurten normalean baino hilabete beranduago etorri dira», adierazi zuen. Pake-pakean, neurri egokia hartzeko astia izan dute nonbait eta ikusgarriak ziren. Estimazioa ere halakoa izan dute, segidan erosi baitute kilo bana Ordiziako Pottokakoak eta Añorgako Lukainkategi jatetxekoak, gainerakoa hamaiketako goxoa eginez probatzeko lain. Bestalde azpimarragarria da zegoen onddo eta perretxiku aukera, izan hemengo ala kanpoko; baina onddo, esnegorri, gibelurdin, saltsa-perretxiko horia, ilarraka edo pago-ziza eta gorringoak ere baziren aukeran. Loreetan, berriz, aukera zabaltzen ari da Eguberrien aitzakian. Pazko lorea izenez ezaguna dena landarea Zaldibiako Azanzaren postuan 6,5 euroan salgai zen, Jazintoekin batera. Eta asten honetan hasi dira lehen Primula edo Sanjose loreak ekartzen. «Oraindik loratu gabe daude, eta jendeari hori ikustea gustatzen zaio, baina ez zaie asko falta», adierazi digu Pakok. Bitxikeria gisa, kanpoko produktu bat nabarmendu behar. Txilen udaberriaren azkenean daude, eta handik ekarritako gereziak jarri dituztela salgai Ordizian 16 euroan kiloa.
Duela ia urtebete jakinarazi zuten Ordiziako Udalak eta Victor Mendizabal Fundazioak, enpresari ordiziarraren izena daraman beka Marcelo Irianni eta Jon Ander Ramos ikerlariei emango ziela. Harrezkero, Mendizabalen bizitzaren inguruko informazio eta material ugari lortu dute. Etorkin izatetik zuzendari izatera, masatik erreferentera. Victor Mendizabal, ekaitzean itsasargi izenburupean argitaratuko dute lan hori. Ikerlan horren asmoa, Mendizabal «Euskal Herrian zein Argentinako Panpan bizi izan zen urteetako agerlekua eta koiuntura berreskuratzea» dela azaldu dute egileek. Ikerlanak agerian uzten duen ideia nagusia, Mendizabal «immigrante arrunta izatetik lider sozial eta etniko» izatera iritsi zela da. Gainera, «irakaskuntzarekin, eta oro har, kulturarekin lotura duten jarduerak garatzeko irrika» zuela diote. Informazio eta dokumentazio hori guztia lortzeko, Mendizabalen familiarengana jo dute Iriannik eta Ramosek. «Ordiziar honen berezitasuna agerian uzten duten dokumentu pertsonalak eta argazkiak» aztertu dituzte. Horietako asko, Mendizabal zenaren birbilobei esker lortu dituzte. Dokumentu horiek «Mendizabalen ezaugarriak zehazten lagundu digute». Familiako kideei egindako elkarrizketek eta Mendizabalen bibliografiak agerian utzi dituzte, egileen ustez, «enpresari jarduerari beti gailendu zitzaion gizatasuna eta premiarik handiena zutenekiko konpromisoa». Orain arte bildutako datuei esker jakin dute XX. mendearen hasieran Llavalloleko Euskal Etxea ikastetxe eta babes-etxea sortzerako garaian parte hartu zuela, eta beste hainbat ongintza lanetan ere aritu zela, besteak beste Laguntasuna elkartean edo Mendizabalen [...]
Egunero zer bazkaldu eta zer afaldu behar duten pentsatzeaz aspertuta dauden adinekoei, catering zerbitzua eskaintzen hasi da Beasainen Gureak enpresa. Astean behin, zazpi egunetarako bazkaria, afaria eta bina postre eramango dizkiete hala nahi duten erabiltzaileei Sutondo programaren bidez. Martxoaz geroztik eskaintzen du zerbitzu hau Gureak taldeak. Azpeitian jarri zuten esperientzia martxan, eta azken asteetan Gipuzkoako eskualde ezberdinetan ari dira Sutondo zer den azaltzen. Goierrin, momentuz, Beasaingo jubilatuen egoitzan egin dute aurkezpena, eta nahi dutenek zerbitzua kontratatzeko aukera dute dagoeneko. Etxez-etxeko otordu zebitzua da eskaintzen dutena, adinekoei zein menpekotasuna dutenei zuzenduta. Iraia Urrutikoetxea Sutondo programako zuzendariak azaldu duenez, «programaren helburua erabiltzaileen bizi-kalitatea hobetzea da, euren gustuetara eta beharrizanetara egokitutako dieta orekatua eta kalitatezkoa egiteko aukera emanez». Zerbitzua kontratatzen dutenek, astean behin jasoko dute janaria, eta berotu besterik ez dute egin beharko. Hala, «otordu bakoitzerako zer prestatu behar duten pentsatu beharrik ez dute izango, eta denbora hori zein otorduak prestatzeko behar dutena eurek nahi dutena egiteko erabili ahalko dute». Etxeko sukaldean gertatu daitezkeen istripuak ekiditea ere badu helburu proiektuak. Bakoitzari berea Sutondo programako arduradunek azaldu dutenez, otordu horien bidez, «dieta osasuntsua eta orekatua» ziurtatzen dute, «aldizka-aldizka, elikagaien inguruko kontrolak egiten baitituzte». Erabiltzaile bakoitzaren profila ere kontuan izaten dute menuak egiterakoan: «Diabetikoa denari, [...]
Legazpiko Mirandaolako Euskal Burdinaren Museoak Olentzero ikazkinaren bisita jasoko du berriro ere igande honetan. Pasa den igandean bezala, honetan ere egun osoko jaialdia antolatu dute. 11:00etan ongietorria egingo dute, eta ondoren, ginkana, jo...
Trigoi taldeko Jon Erguin beasaindarrak irabazi du Euskal Herriko lehen mendi duatloi zirkuitua. Guztira, zortzi probek osatu dute zirkuitua, eta Erguinek seitan parte hartu du, bost irabaziz. Azken proba Langraizen (Araba) jokatu dute asteburu honetan, eta zulatu baten ondorioz, hirugarren postuarekin konformatu behar izan du. Emakumezkoetan Amaia Luquinek irabazi du, eta beteranoen mailan Luis Mari Urizar villabonarrak. Neguko triatloi denboraldia prestatzeko entrenamendu gisa hasi zen Erguin Euskal Herriko txapelketan parte hartzen. Baina lasterketak irabazten hasi zenean, garaipena lortu zezakeela ikus zuen, eta txapelaren bila hasi zen. Bazekien ez zela erraza izango, bi probetan huts egiteaz gain, «maila handiko kirolariek parte hartu dutelako zirkuituan». Azkenean garaipena lortu du eta oso pozik dago. Bizikleta gainean egindako lanari esker lortu du batez ere garaipena Erguinek: «Korrika atzetik ibili naiz, batez ere bigarren itzulietan, baina bizikletan askoz hobeto moldatzen naiz eta hor lortutako denborari esker irabazi ditut probak». Hemendik aurrera, urtarrilean hasiko den neguko triatloi txapelkea prestatzea du helburu. «Etxetik gertu lau proba ditut, eta haien ondoren Europako eta Munduko txapelketan parte hartu nahi dut». Martxoan izango dira bi probak. Urizar, punta-puntan Luis Mari Urizar Trigoi taldeko partaidea da, eta txapelketa osoan punta-puntan ibili da. Azken probetan lehian aritu dira bera eta Erguin taldekidea, [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
