
Goierriko mus txapelketa zaharrenetakoa den Zaldibiako Zubi-Buru elkartekoa larunbatean jokatuko da, 37. aldiz. Guztira 2.900 euro banatuko dituzte saritan, eta otordutan nahiz jakitan beste opari batzuk ere izango dira; arkumeak, txuletak eta Zaldibia...

Segurako Laiotz herri eskolak antolatu duen kultur astearen barruan bihar, otsailak 16, Haur Hezkuntzako ikasleek saioa egingo dute gurasoen eta aiton-amonen aurrean. Emanaldia 15:00etan izango da. Ondoren ogi opilak eta txokolatea banatuko dizkiete he...

Segurako Udalak eta bertako turismo bulegoak antolatuta, Segurako hiribildua ezagutzera emateko helburuarekin bisita gidatu antzeztua egingo dute larunbatean eguerdiko hamabietan. Antzezpena Aldabe kooperatiba elkarteko bi kidek egingo dute: Hodei Unzu...

Beasaingo Anbulatorioan hainbat konponketa lan egiten hasi dira aste honetan. Eusko Jaurlaritzaren eta Beasaingo Udalaren artean adostasuna lortu eta gero, Beasain Lantzenek hartu du obra egiteko ardura. Xabi Mujika Beasaingo Anbulatorioko zuzendariak ...

Aitz-Zorrotz ehiza eta arrantza elkarteak eta Beasaingo Kirolaren Udal Fundazioak elkarlanerako hitzarmena sinatu dute. Udalaren arabera, Beasainen “arrantza praktikatzeko oinarrizko entitatea” da. Hitzarmena sinatzerako orduan, “elkartearen ibilbidea, beasaindarren parte-hartze kopurua, entitatearen finkatze maila eta egonkortasuna” hartu ditu kontuan udalak. Izan ere, Aitz-Zorrotz elkarteak arrantzarako 204 lizentzia ditu, eta elite mailako arrantxa txapelketetan dabiltzan 7 kirolari: Luis Ruiz, Ander Cantero, Olain Irizar, Jose Mari Perez, Axier Alberdi, Unai Urkia eta Juanjo Sanz. Hitzarmenak jasotzen duenaren arabera, elkarteak “herriko arrantza plangintzaren programa” prestatuko du. Bertan, beasaindarrek arrantza arloan aukeran izango dituzten jarduera guztiak jasota geldituko dira, hasi sustapen ekintzetatik eta lehiaketetaraino. Horrez gain, bestelako zenbait jarduera ere antolatu ditu elkarteak 2012. urterako. Oria ibaiko arrantza txapelketa egingo dute eskola umeentzat; Arriarango eta Lareoko urtegien garbiketa eta ehiza txikiko Aitz-Zorrotz txapelketa ere egingo dituzte. Aitz-Zorrotz elkarteak antolatzen dituen ekintzetan parte hartu edo federatu txartela egin nahi duenak, 943 084 708 telefono zenbakira deitu, edo aitz-zorrotz@euskalnet.net helbidera mezu bat bidali dezake.

Zumarragako Eitzaga auzotik Beasain aldera doan autobidearen inguruetan AHTaren tunela egiteko lanak hasi dituzte.

zingizango.com webguneak jaso duen oharra • Inauterietako ostiralean, Gaztetxeko pasarelan, mozorro desfile xelebrea ospatuko da. Gaueko 00:00etan hasiko da festa eta epaimahai “aditua” bertaratuko da mozorro onenei merezi duten saria ban...

Pentsatutako garairako irekitzeko moduan izango da atzera Zaldibiako Beti Gazte jubilatu elkartearen egoitza, udaletxepean. Berrikuntza-lanak otsailaren bukaerarako amaituko dituzten esperoan da udala, martxoan irekitzeko. Sukaldea bukatzea, azkeneko ukituak ematea, elektrizitate sareko lanak eta margoketa egitea falta da. Urtarrilaren lehenetik elkartzeko lokalik gabe daude erretiratuak, eta herriko beste taberna batzuetan egoten dira arratsaldeetan. Beti Gazteko lokala birmoldatuta aurkituko dute itzultzen direnean. Batetik, egongela orokorrean espazioa zabaldu dute, lehengo hormak botata. Bestetik, bileretarako edo bestelako kontsultetarako bulegoa atera dute, aretoaren eskuin aldeko ertzean. Batzar gela erosoa atondu dute. Sukaldea guztiz berritu dute, eta etxe-tresna elektrikoak aldatuko dituzte. Haren alboan, lehen bilera-gela zen txokoa biltegitarako izango da. Bi komunak guztiz berriak jarri dituzte, tabernako barratik aurrealdera. Irisgarritasun arauek eskatutako baldintzak dituzte komunek; ezinduentzat aulkiarekin ibiltzeko adina leku irabazteko, lokalari metro erdi inguru kendu behar izan diote, komun bat hazteko. Ile-apaindegia bere horretan utziko dute. Obrak udalak finantzatuko ditu osorik, lokala udalaren jabetzakoa baita. 50.000 euro inguruko inbertsioa egingo du. Aurrekontua gehiegi ez handitzen eta aldaketa oso sakonak ez egiten saiatu direla esan du Jon Mikel Ruano zinegotziak, «udal eraikinarekin etorkizunean zer gertatuko den ez dakigulako oraindik». Beti Gazte elkartea udaletxearen behealdean dago. Tabernaria hartzeko asmoa Lokala Beti Gazte jubilatu elkarteak kudeatuko du aurrerantzean [...]

Aurtengo binakako pilota txapelketa nagusian, Goierriko bi pilotari parte hartzen ari dira: Aritz Lasa eta Jon Ander Albisu. Biak debutariak dira. Albisu txapelketako gazteena da, eta Lasa aurrelarien artean gazteenetakoa. Aritz Lasak (Urretxu, 1983) bere jaioterrian jokatuko du ostiral honetan, bigarren etxea duen Ederrena pilotalekuan. Jon Ander Albisu (Ataun, 1990) toki exotikoago batean arituko da: Bartzelonan. Galderak erantzuteko, berriz, Beasainen elkartu ziren. Nola oroitzen dituzue lehen pilotakadak? Aritz Lasa: Hasieran lagunekin eta anaiarekin jokatzen nuen, Ederrena zaharrean. Oso gustura aritzen ginen. Aitaren familian oso pilotazaleak dira. Anaia urtebete zaharragoa da, eta irabazi egiten zidala esaten dit. Berak eta lagunek utzi zutenean, bakarrik jarraitu nuen. Ondoren Garfe enpresak deitu zidan eta gero Aspek. Jon Ander Albisu: Eskolan pilotan aritzen ginen. Nire etxean ere pilotazaleak dira. 16 urte bete arte, koadrilako batekin aritu nintzen, Arratibelekin. Ataundik Tolosara joan ginen, herrian bakarrik gelditu baikinen. Oso esperientzia polita izan zen, maila ona baitzegoen. Ondoren Asegarcek deitu zidan, ez nuen espero. A.L.: Klub batzuk oso indartsuak dira (Tolosa, Añorga, Amezketa…) eta herri txikietako jendea horietara joaten da. Horrek, are gehiago indartzen ditu klub horiek. Nire garaian Añorga puntakoa zen: Argote, Mendizabal… hortik atera ziren eta bertakoa bakarra zen. Ni ez nintzen Urretxutik atera, entrenatzeko astirik [...]

Maite Murgia gazte lazkaotarrak Espainiako Neguko Triatloi Txapelketa irabazi du gazteen mailan. 20 urte ditu eta Euskal Filologia ikasten ari da Gasteizen. Rufino Murgia Euskaltel-Euskadi taldeko masajistaren alaba da eta ziklo-krosean, errepideko txirrindularitza lasterketetan eta udako triatloian ere aritzen da. Nolatan halako kirol zaletasun handia? Familian denok gara kirolariak. Hiru anaia-arrebok txikitatik eskiatu egin dugu eta bizikletan ibili gara. Xabi triatloietan ibili zen. Utzi egin zuen, baina bera izan zen animatu ninduena. Urtzi, berriz, txirrindularitzan, afizionatuetan dabil Bidelanekin. Zein kirol gustatzen zaizu gehien? Neguko triatloia eta ziklo-krosa. Ziklo-krosa elurrik ez zegoen urte batean probatu nuen eta asko gustatu zitzaidan. Zer moduz doa neguko denboraldia? Ziklo-krosari dagokionez, 23 urtez azpikoen Euskadiko Txapelketa irabazi dut eta Espainiakoan bigarren sailkatu naiz. Legazpin Gipuzkoako Txapelketa irabazi nuen, eta neguko triatloian Espainiako txapelketa irabazi dut gazteen mailan. Zeintzuk dira zure erronkak datozen hilabeteetarako? Igandean Euskadiko Neguko Triatloi txapelketa jokatuko da Izaban (Nafarroa) eta datorren astean denboraldiko azken proba izango da Antson (Aragoi). Ondoren, duatloietan eta triatloietan parte hartuko dut. Nor da zure entrenatzailea? Patxi Vila txirrindularia. Asko laguntzen dit. Aitaren laguna da. Italiako Flaminia taldearekin ari da eta gure harremana telefono eta posta elektroniko bidezkoa da. Non ikusten duzu zure burua epe luzera? Munduko ziklo-kros [...]

Goiztiri AEK euskaltegiak 25 urte bete ditu. Hori ospatzeko, Iñaki Apalategi bertsolariaren hitzekin abestia sortu du Black Jiko taldeak. Bideoa ere prestatu dute, euskaltegiaren historiako argazkiekin. goiztiri.blogspot.com

Aurreko asteko Goierriko elurtearen argazkiak eta bideoa Goierriko Hitzaren webgunean daude ikusgai. goierri.hitza.eus

Jose Maria Setien Gipuzkoako gotzain ohiak Bakeratze bidetik berradiskidetzera hitzaldia egingo du, asteazkenean, 19:00etan, Beasaingo udaletxeko areto nagusian. Andre Mari Zeruratuaren parrokiak antolatuta.


Legorretako elkarte, eragile eta herritar ugarik omenaldia egin diete Aulia sagardotegiko Etxeberria anai-arrebei, erretiroan, elkartasunezko ekimenetarako urtetan eman duten laguntza eskertzeko. Elkartasuna modako hitza da gaur egungo gizartean. Elkarrengan pentsatzea, laguntzea, aintzat hartzea, norbanako gero eta isolatuagoen joerari aurre egiteko erremedioa. Benetan elkartasunez jokatzea, besterik da. Urte askotako, ia bizitza osoko eginahala eskatzen du. Legorretako Aulia sagardotegiko lehengo nagusiek, aidanez, izugarri ondo egin dutena, aurreko ostiralean herrikideek egin zieten omena ikusi eta gero. Iaz erretiratu ziren Auliako Juan Inazio eta Sagrario Etxeberria Iturriotz lanetik, azkeneko hogeita hamar urtean ogibide izan duten negozioa salduta. Aldaketa unea baliatuz, esker ona adierazteko ekitaldiren bat pentsatzen hasi ziren legorretarrak. Etxeberriatar anai-arrebek herritarrekiko eta herriarekiko izan duten begirunea aspaldikoa da, omenaldia nola gorpuztu pentsatzen hasi zen Jesus Mari Arrizabalagak gogoratu duenez. «Legorretan antolatu izan diren ekimenetarako sagardoa doan eman izan digute, ia eskatu gabe. Udalak ordaintzen zuen kasuetan ere fakturaren balioa gobernuz kanpoko erakundeei ematen zieten. Nolabaiteko zorra badugu, eta gutxienez eskerrak eman nahi genizkien». Santa Ageda bezperaren bezperan, aurreko ostiralean, burutu zuten omenaldia. Omenduek aurrez ezer ez zekitela, Legorretako eragile ugaritako kideak eta herritarrak Etxeberria anai-arreben etxe atarian aurkeztu ziren, taldean, kultur etxe paretik kalejiran joanda. Sagrario eta Juan Inazio etxaurre elurtura aterarazi, eta [...]

Matxinbenta auzo txikia eta berezia da. Bisitariek bakea, lasaitasuna eta isiltasuna bilatzen dute bertan. Elizak, frontoiak eta baserri batzuk osatutako auzunea eta inguruan mendia eta belardiak, besterik ez dago. Isiltasuna auzoaren erditik igarotzen den errekatxoak bakarrik apurtzen du. Hala esanda, Gipuzkoako edozein txokotako edozein auzune izan daiteke, baina Matxinbenta ez da beste edozein auzo: hiru herrik kudeatzen duten auzoa da. Azpeitiak, Beasainek eta Ezkio-Itsasok osatzen dute Matxinbenta. Auzoan hogei baserri baino gehiago daude; errekaren ekialdean daudenak Beasaingo udal barrutian daude, eta ibaiaren mendebaldean daudenak, berriz, Azpeitiko udal barrutian. Auzoaren hego-mendebaldeko guneak dira Ezkio-Itsasoko lurretan daudenak. Beasaingo zatian zortzi baserri daude; Azpeitiko zatian, hamar; eta Ezkio-Itsasokoan, sei. Auzoa Ibaieder errekaren inguruan eraiki zuten, eta Ibaiederren batzen diren beste errekatxoek markatzen dituzte herrien arteko mugak. Baserriez gain, bi ostatu eta taberna izandako eraikina ere badaude, garai batean auzoan gaur egun baino mugimendu handiagoa egon izanaren seinale. Auzoan sakabanatuta dauden baserrietan 60 pertsona inguru bizi dira, gehienak helduak. Matxinbentara iristeko, Beasain eta Azpeitia Mandubiko mendatetik lotzen dituen GI-2635 errepidea erabili behar da. Beasaindik nahiz Azpeititik, sigi-saga doan bide batetik joatea beste erremediorik ez dago hara iristeko. Matxinbenta Beasaingo herrigunetik 16 kilometrora dago, eta Azpeititik, ia bederatzi kilometrora. Ezkio-Itsasotik autoz joateko errepiderik ez dago. [...]

Datorren astelehenean, hilak 13, CAF lantegitik N-1 errepidera doan Agerre bidea itxi egingo dute trenbide gainean jartzera doazen zubi berriaren lanak hasiko direlako. Lan horiek bi hilabete eta erdi iraungo dutela aurreikusten du Ordiziako Udalak. Denbora tarte horretan, beraz, N-1 errepidera irtetzeko Beasaingo eta Ordiziako ohiko irteerak erabili beharko dira.