
Goierriko kulturagileek aparteko tartea izango dute, gaur, Donostian. Koldo Mitxelena Kulturuneak eta Kabigorri elkarteak antolatu duten Hitza badugu poesia topaketen bigarren jardunaldia eskualdeko hiru kidek hornituko dute, ia erabat. Olerki errezita...

Larunbat arratsean Legorretan egin zen elkartasuneko talo festan 1.438,35 euro bildu dira, Ugarotarrak guraso elkarteak jakinarazi duenez. Gobernuz kanpoko erakunde bati emango diote. Festan izan zirenak eskertu dituzte.

Maite Franko ipuin kontalariak Hango hunga umeentzako saioa egingo du gaur, 15:30ean, udal liburutegian. Deialdia, 2005 eta 2007 urteen artean jaiotako haurrei zuzenduta dago. Sarrerak liburutegian bertan eskatu behar dira.


Bihartik aurrera isuna jasotzeko arriskua izango dute gidariek Ataunen, ibilgailua behar ez den lekuan aparkatuta uzten badute. Ataungo Udalak trafiko araudi berria indarrean jarriko du, gaizki utzitako autoek oinezkoen eta trafikoaren joan-etorria galarazi ez dezaten. Batik bat San Martingo plaza inguruan sortzen diren arazoak saihestu nahi ditu udalak neurriarekin. Eliza atarian, udaletxe aurreko kalean eta Paskual Iturri aldean jarriko da arreta gehien, Igor Aierbe alkateak esan duenez. Baina araudiak udalerri osoan edukiko du eragina, San Gregorion eta Astigarragan ere bai. Espaloi gainean kotxea uzteko joerarekin bukatu nahi du udalak. «Oinezkoen pasaera galarazten dute lekuz kanpo utzitako autoek zenbait tokitan, baita kotxeena ere. San Martinen, adibidez, ez dago aitzakiarik aparkamendu aldetik, lurpeko parkina erabilgarri dagoelako», dio Aierbek. Ertzaintza ariko da begirale Trafiko araudia betetzen ez den kasu gehienetan Ertzaintza arduratuko da isunak jartzeaz. 40 euro ordaindu beharko ditu gaizki aparkatzen duen gidariak. «Tristea da, baina poltsikoan min hartutakoan ikasten da. Udalak honekin ez dauka diru-bilketarako helbururik, ez da kapritxoa. Oinezkoak autoak traban daudelako bidera irten beharrik izan ez dezaten lortu nahi dugu». San Martinen, udaletxe aurrean bost aparkaleku daude. Horietan ibilgailua 30 minuturako utzi ahalko da gehienez. Beste leku bat ezinduentzako da, eta zazpigarrena udal ibilgailuarentzat erreserbeatutakoa. Bost leku horietan [...]

Beasaingo Izartxo aisialdi taldeak 2012 urteko inauterietako entseguen bideoa igo du sarera. Urtarrilaren 29ko entsegua da bideoz jaso dutena, eta Lazaro Gonzalezek grabatu du.

Ezin zen parekatuago hasi Goierriko 24. Bola Txapelketa. Larunbatean Gabiriako Alkain-Buru bolatokian jokatu zen lehen jardunaldian joko oso altuak izan ziren, eta lehiaketa osoan parte hartuko duten 30 bolariek saritarako aukerarekin jarraitzen dute. Izan ere, askotan gertatzen ez den bezala, puntuaketa gorena bederatzi bolarik lortu zuten. Zortzi bolatara da lehiaketa, eta 48 birla bota zituzten denek (tiraldiko seiko bataz bestekoa izan ohi da normalean gorentzat hartzen dena). Hala, eguneko sarietatik kanpora geratu ziren 48 botatako bost partaide. Bestetik, txapelketak izango dituen zazpi jardunaldietarako izena eman duten 30 bolarietatik 29k 40 puntu edo gehiago lortu dituzte. Idiazabalen larunbatean jokatuko den bigarren saiorako irekita geratu da guztia, beraz. Kitarakoak jokatuta, eguneko onena —eta horrenbestez sailkapeneko buru— German Gereñu legazpiarra izan zen. Zeferino Agirre segurarrak, Martzelino Iza legazpiarrak eta Iñaki Maiz gabiriarrak jaso zituzten hurrengo hiru sariak. Hemezortzi urtetik beherako bolari bakarrak parte hartuko du txapelketan, Joanes Agirre idiazabaldarrak. 34 puntu batu zituen Gabirian.

Patxi Ezkiaga idazle legorretarrak Oteiza. Profetaren 14 hitz liburua atera du. «Bakardadean bizi izandako gurtza-esperientzian» oinarritutako poemak dira. Gaztelaniazko itzulpena ere sartu du.

Idiazabalgo Gazte Asanbladak antolatuta ‘Irakasleak’ antzezlana ikusi ahal izango da larunbatean, otsailak 11, Guraso Elkartearen aretoan, 19:30ean. Iñigo Antsorregi eta Ander Azurmendi aktoreek parte hartzen dute lan horretan: Azurmendi L...

Lodosako Ibaialde ikastola egoera ekonomiko “larrian” dago, eta bertakoei laguntza bideratu asmoz, ekitaldi sorta antolatu dute Seguran, biharko (otsailak 10). 16:30ean hasita, txokolate jana egingo dute, eta ondoren herri kirolak. 18:00eta...

Aramako Udalak zaborraren trataeraz eta arazoaz informazioa zabaltzeko antolatu dituen bi hitzaldietatik bigarrena gaur izango da, 18:30ean, kultur etxean. Imanol Azpiroz izango da hizlari, Gipuzkoako Hondakinen Kudeaketaren batzordeko kidea. Lehen sai...

Lazkaoko Udalak herriko jai nagusiak antolatzeko bigarren bilerara deitu ditu lazkaotarrak. Gaur 19:00etan elkartuko dira, udaletxean, aurreko astean hasitako lan-ildoetan sakontzeko eta festa-egitaraua gorpuzten jarraitzeko.

Euskal presoak eta iheslariak Euskal Herriratzeko eginahala bateratzeko asmoz, Lazkaon Herri Bilgunea sortuko dute. Lehenbiziko batzarra gaur egingo dute, udaletxean, 19:00etan.

D3M eta Askatasunarekin lotutako hamahiru lagunen kontrako epaiketa apirilaren 30ean hasiko da. Tartean da Jose Antonio Munduate ere. ETAri lagundu izana leporatzen dio Baltasar Garzon epaileak egun Bilbon bizi den idiazabaldarrari. Bere egoera berean daude beste hiru kide ere. Gainontzeko bederatziei talde armatuko kide izatea egozten die.

Beasainek Bizkaia aldera joko du asteburu honetan. Izan ere, Santutxuren kontra jokatuko du igandean, 11:15ean hasita. Pasa den asteburuan Durangori etxean irabazi eta gero, seigarren postuan daude, 42 punturekin. Santutxu berriz, jaitsiera postuetan d...