
Youtubeko MyTxanel erabiltzaileak Idiazabalgo Aita Iparragirre Herri Eskolak eta Kirol Elkarteko Mendi Sailak antolatutako Goierri eskualdeko Ibilaldi Neurtuaren bideoa sareratu du. Martxoaren 11n egin zuten ibilaldia, Idiazabal eta Ataun arteko mendi...

Zaldibiako Saturdi baselizaren inguruan urteko festa eta erromeria izango da datorren astearen aurrean, Pazko astelehenean, apirilak 9. Egun osoko egitaraua antolatu dute auzotarrek, udalarekin elkarlanean. Goizeko hamaiketan mezarekin hasi, eta iluntz...

Hileko lehen ostegunetan emakumeen kontrako indarkeriaren kontrako elkarretaratzea deitu ohi du Ordiziako Kimetz emakume elkarteak, baina apirilari dagokiona –bihar izango beharko litzateke– ez dela egingo jakinarazi du elkarteak, Aste Santuko opor...

Jendearen harrerarekin «harrituta» gelditu dira Bertsomovieda lehiaketaren antolatzaileak, zenbat jendek eta talde ezberdinek parte hartu duen ikusita. Bertsoekin loturaren bat zuten ikus-entzunezko lanak aurkeztu behar ziren, eta denera, 26 lan jaso dituzte. Baina jasotako lanen kopuruak ez ezik, sare sozialetan lehiaketa izaten ari den oihartzunak ere harritu ditu antolatzaileak. Iñaki Apalategi bertsolaria da lehiaketa horren antolatzaileetako bat. «Jende askok» parte hartu duela azaldu du; «lehen bertsopaper lehiaketan jasotzen genituenak baino lan gehiago jaso ditugu, eta gehienak taldeka egindako lanak dira, gainera». Hain zuzen ere, hori da gehien harritu dituena, taldeka parte hartu duen jende kopurua, zenbaitetan gainera, talde handiak izan dira. Beraien asmoa, «jendea horren inguruan martxan jartzea» zela azaldu du Apalategik, eta emaitza ikusita, «sorpresa handia» hartu dutela. Arrano elkartetik, bertsopaper lehiaketaren ordez beste zerbait antolatu nahian hasi zirenean, internet, irudia eta bertsoa uztartuko zituen zerbait egitea pentsatu zuten, eta formatuarekin asmatu dutelakoan dago Apalategi. Jasotakoen artean, denetariko lanak daude, batzuek eskolaumeek egindakoak, besteak lagun taldeen artean osatutakoak, eta baita bertsolariek parte hartutakoak ere. Hori dela eta, «oso maila ezberdineko lanak» daude lehiakideen artean. Hori ikusita, ez dute baztertzen aurrera begira maila ezberdinak sortzeko aukera ere. «Denak ezin ditugu saritu, baina aldi berean denei eman nahiko genieke nolabaiteko errekonozimendu bat, lan handia [...]