
Lazkaon hiri hondakinak biltzeko atez ateko sistema jartzearen aurka sinadurak bilduko dituzte. Lazkao Birziklatuz izenpean «lazkaotar talde bat» da kanpainaren sustatzailea, Birziklapenari bai, atez atekorik ez lelopean. «Udalari hondakinen bilketa...

Itsasondoko Udalak bultzatuta aholkularitza etxe batek egin duen parte-hartze egitasmoa bihar aurkeztuko dute, II. Herri Eguneko ospakizunak hasi aurretik. Itsasondo ekinez egina proiektua garatzen hasiko dira, hilabeteotan, «herria piztu beharra dago...

Bihar arratsaldeko 19:00etan eta gaueko 22:00etan Gazta Zati Bat dokumentala emango dute Segurako kultur etxe berrian. Trailerra hemen ikusgai

Murumendi ikastetxeko komunitateak ikasturte bukaerako festa antolatu du larunbaterako. Goizeko 10:00etan hasita, umeek eta haien familiek denen artean egiteko lankidetza jolasak izango dituzte. Segidan, eskola kiroleko partaideen artean dominak eta or...

Ordizia Rugby Elkartea ari da dagoeneko datorren denboraldiari begirako hainbat alderdiri nahi duen itxura ematen. Alderdi teknikoan izango diren berritasunen berri eman zuen herenegun. Hartara, orain arte formazio lanetan aritu den Santos Regil klubeko zuzendaritza teknikoki kide izatera pasa da, eta aurrerantzean hark hartuko du klubaren kirol arloa gidatzeko ardura. Regil jokalaria ohia da, Espainiarekin ere aritua da eta IRB titulua ere badu. Orain lehen taldean ari diren Julen Goia, Imanol Iruarriz eta Aitzol Idiakez haren eskuetatik pasatakoak dira. Aitor Araña presidenteak pozik dago hartutako erabakiarekin: «Epe luzera pentsatu behar dugu, eta proiektu honek jarraipena izatea nahi dugu. Lorpenei ez diegu uko egingo, eta fitxaketak ere etorriko dira, baina oinarria etxeko jendearekin osatu nahi dugu». Axio Arañak segituko du entrenatzaile lanetan, baina hiru laurdeneko jokalarien lanari jarraipena egiten Phil Huxford ariko da. Horren ondorioz, Zeelanda Berrikoak minutu gutxiago jokatuko ditu ziurrenik datorren sasoian. Gorka Nuñez prestatzaile fisikoak ere taldean jarraituko du. Saiz, harrobiko kirol zuzendari Orain arte infantiletaz arduratu den Igor Saiz beheko mailetako eta errugbi eskolako kirol zuzendaria izango da, eta hari koordinazio lanetan laguntzen Axier Alvarez de Eulate lehen taldeko jokalaria ariko da. Amlin Challenge Cup-en jokatzeko aukera ere suertatu zaio Ampo Ordiziari –Quesos uko egin dio–, baina [...]

Aurreko asteburuan lehen final laurdenetako partidak jokatu ondoren, bihar eta etzi artean jakingo da zein talde pasako diren Kuadrilla arteko 33. futbol txapelketaren finalerdietara. Hauek izan ziren aurreko asteko emaitzak: Rockus-Tzulo (0-0); Zerdia...

Beasaingo Loinatz musika eskolak bi kontzertu egingo ditu datozen egunetan. Bihar, musika bandak joko du, 19:30ean, Loinazko San Martin plazan. Aitor Mitxelenak gidatuta, pop-rock doinuak eta hainbat soinu banda ere joko dituzte. Datorren ostegunean, b...

Igande honetan emango zaio hasiera Gipuzkoa mailako txapelketari Urretxun; bost taldek hartuko dute parte

Motorraren Astearen barruko ekintza da; udalak, aurten, ez du ‘freestyle’ ikuskizunik antolatuko

Legazpiko Fundiciones Bereciartu enpresan sutea izan da goizean, 11:00ak inguruan. Egurrezko moldeak gordetzen dituzten biltegian izan da sutea, eta ondorioz, segituan zabaldu da sua. Suhiltzaileak berehala iritsi ezbeharraren lekura, eta ez da kalte pertsonalik izan, baina bertako langileen hiru autoak kalte handiak izan dituzte.

Asteburu honetan, Las nieves del Kilimanjaro filma eskainiko dute Beasaingo Usurbe antzokian. Ordutegia: Hilak 15, ostirala: 22:15 Hilak 16, larunbata: 19:30 eta 22:15 Hilak 17, igandea: 17:00, 19:30 eta 22:15 Hilak 18, astelehena: 19:30 eta 22:15

Jose Luis Alvarez Enparantza ‘Txillardegi’ zenari (Donostia, 1929-2012) omenaldia egin ari zaizkio Lazkaon, gaur. Goierriko Euskal Eskola kultur elkarteak ‘Leturiaren egunkari ezkutua’ eleberriaren irakurraldi publikoa antolatu du, eta goizean bederatzietarako hasi dira lazkaotarrak liburua irakurtzen, atalka eta txandaka. Egun osoko ekimena izango da. Eguerdiko etenaldiaren ondoren, 16:30ean hasiko da atzera irakurraldia, Maizpide euskaltegiko ikasleen ahotik. Liburua osoa bukatzen denerako guztira 65 bat lagunek parte hartuko dute. 19:30a aldera amaituko da irakurketa. Ondoren, Xabier Mendiguren Elizegi idazle beasaindarrak Txillardegiri buruzko hitzalditxo bat emango du. Gerriko elkartean ari dira irakurketa egiten. Atrilean liburua jarri, eta irakurleek aurrekoak utzi duen lekutik jarraitzen du errezitaldia. Lazkaoko elkarte, eragile, erakunde nahiz elkarte askotako ordezkariak igaroko dira, baita herritar norbanakoak ere.

Joan den larunbatean ospatu zuen Jakintzak Ikastolaren Eguna. Zerua mehatxuka bazen ere, ateri eutsi zion eguraldiak eta iragarritako ekitaldi guztiak egin ahal izan zituzten ikastolakoek. Plaza Nagusian Haur Hezkuntzako haurrek eta Lehen Hezkuntzako ...

Atzo herritarrentzat udaletxean bilera irekia egin eta gero –gazteleraz gainera– gaur Gipuzkoako Zero Zabor taldeko kideek hitzaldia egingo dute Herri Antzokian, 19:00etan. Bihar, berriz, herriguneko bizilagunekin egingo du bilera udalak (19:00) at...

Ezkontza zibilak egiten diren moduan, hemendik aurrera hileta zibilak egiteko aukera ere izango da Beasainen. Udalbatzaren osoko bilkurak aho batez onartu zuen hileta horiek arautzen dituen ordeanantza; horrekin batera, hileta horiek egiteko gune bat prestatzeko konpromisoa ere hartu dute. Koldo Agirrek, hileta zibilak egiteko aukera ematea, «gizartearen normalizazioan urrats bat gehiago» dela azaldu zuen, horrelako errituak «erlijio konnotazioetatik urrun, modu zibil eta laikoan» ospatzeko aukera baita. Lokalari dagokionean, Igartza monumentu multzoan aurreikusitako aretoak erabiliko direla dio ordenantzak; lokala zein izango den ez dute zehaztu, ordea. Hala ere, «aretoa ekitaldiaren seriotasuna bermatzeko moduan» egokituko dutela azaldu dute. Senideek bestelako apaingarriak jartzeko aukera izango dute, baina beti ere, aurrez jakinarazita. Hiletak ezingo dira gorpua aurrean dela egin; errautsen kasuan, ordea, kutxa bertan dela egin ahal izango da hileta. Hileta zibilak egiteko eskaerak udaletxean egin behar dira, heriotza ziurtagiria eta bestelako dokumentazioa aurkeztuta. Astelehenetik igandera egin ahal izango dira, goizez (10:00-14:00) edo arratsaldez (17:00-20:00). Hala ere, ordutegi hori alkatearekin edo zinegotziekin hitzartu beharko da. Lokal hori ordubetez erabiltzeko, 50 euro ordaindu beharko dira. Errautsentzako kolunbarioak Gai horrekin lotuta, errautsentzat hilerrian jarriko diren kolunbarioen ordenantza ere onartu zuten. Agirreren arabera, «gizartean ohitura aldaketa nabarmena» izan da, eta egun, «hildakoen %60 erraustu egiten da». Hori dela eta, [...]

Ekainaren 1an banatu zituzten Nikolas Lekuona I. Argazki lehiaketaren sariak, eta behin hori eginda, lehiaketara aurkeztutako argazkien lagin batekin erakusketa dago ikusgai Barrena kultur etxean hilaren 22a arte. Astelehenetik ostiralera bisita daiteke, 18:00etatik 20:00etara. Gaur bertan 75 urte bete dira Nikolas Lekuona artista ordiziarra hil zela. Denera 44 argazki ikus daitezke, lehiaketara aurkeztutako 240 argazkietatik hautaketa bat egin ondoren. Sari nagusia Lander Rezola beasaindarrak jaso zuen ‘Ekaitzaren ostean’ lanarengatik. Azoka 500-Sari Berezia, berriz, Joseba Andoni Agirre ordiziarrarentzat izan zen, ‘Ikuspuntuak’ izeneko hiru argazkiko sortarengatik, eta Herriko-Elkarteko saria Aitzol Arruabarrena lazkaotarrak jaso zuen ‘Shangai’ lanarengatik. Ortzadar Argazki Elkartekoak “gustura” daude lehiaketaren lehen ekitaldiak eman duenarekin, eta baita jasotako lan kopuruaren eta haien kalitatearengatik ere. Datorren urtean berriz antolatuko dute lehiaketa.