
Zumarragako ospitalean hasi dituzte kanpo kontsulten eraikin berria egiteko lanak. Eraikin berriak 30 kanpo kontsulta hartuko ditu, eta lanak 2014ko abendurako bukatu nahi dituzte; martxan, berriz, 2015eko udaberrian jarri nahiko lukete. Lanen aurrekontu osoa bi milioi eta erdi euro ingurukoa da, eraikuntza lanak eta hornidura barne.

Kontseiluak martxan jarritako 'Euskaraz bizi nahi dut' kanpainari jarraituz, Urretxuko eta Zumarragako euskalgintza foroak ekitaldi berezia antolatu zuen larunbaterako. Lema hori oinarri hartuta, herri lasterketak egitea erabaki zuten, adin eta maila ezberdinetan banatuta. Erantzuna sekulakoa izan da, eta ehunka haur eta gaztetxok parte hartu zuten larunbateko ekimenean.

Urretxu eta Zumarragako Errkaren Lagunak taldeak deituta, berrogei bat lagun bildu dira gaurko antolatu duten Erreka Egunean. Areizaga-Kalebarren plazan bildu dira, eta taldetan banatuta, bi herrietako puntu ezberdinetara joan dira, denen artean, Urola erreka garbitzeko asmoz. Antolatzaileek azaldu dutenez, "herrian errekaren inguruko errespetua zabaltzea" da ekimen honen helburua.
